یہ معجزہ بھی کسی کی دعا کا لگتا ہے — افتخارعارف
شاعر
یہ معجزہ بھی کسی کی دعا کا لگتا ہے
یہ معجزہ بھی کسی کی دعا کا لگتا ہے
یہ شہر اب بھی اسی بے وفا کا لگتا ہے
یہ تیرے میرے چراغوں کی ضد جہاں سے چلی
وہیں کہیں سے علاقہ ہوا کا لگتا ہے
دل ان کے ساتھ مگر تیغ اور شخص کے ساتھ
یہ سلسلہ بھی کچھ اہل ریا کا لگتا ہے
نئی گرہ نئے ناخن نئے مزاج کے قرض
مگر یہ پیچ بہت ابتدا کا لگتا ہے
کہاں میں اور کہاں فیضان نغمہ و آہنگ
کرشمہ سب در و بست نوا کا لگتا ہے
Yeh Mojza Bhi Kisi Ki Dua Ka Lagta Hai
Yeh mojza bhi kisi ki dua ka lagta hai
Yeh shehar ab bhi usi be-wafa ka lagta hai
Yeh tere mere charaghon ki zid jahan se chali
Wahin kahin se ilaqa hawa ka lagta hai
Dil un ke saath magar tegh aur shakhs ke saath
Yeh silsila bhi kuchh ahl-e-riya ka lagta hai
Nayi girah naye naakhun naye mizaaj ke qarz
Magar yeh pech bahut ibteda ka lagta hai
Kahaan main aur kahaan faizaan-e-naghma-o-aahang
Karishma sab dar-o-bast nawa ka lagta hai
شاعر کے بارے میں
اردو کے عہدِ حاضر کے ممتاز شاعر افتخار حسین عارف 21 مارچ 1943 کو لکھنؤ میں پیدا ہوئے۔ ابتدائی تعلیم انہوں نے وہاں کے روایتی علمی ماحول۔فرنگی محل کے...
مکمل تعارف پڑھیں