یوں تو نہیں کہ دل میں اب کوئی نئی دعا نہیں — افتخارعارف
شاعر
یوں تو نہیں کہ دل میں اب کوئی نئی دعا نہیں
یوں تو نہیں کہ دل میں اب کوئی نئی دعا نہیں
حرفِ دعا تو ہے مگر ذکر کا حوصلہ نہیں
دیر بہت ہی دیر تک یاد کیا گیا انہیں
ویسے پلٹ کے دیکھنا میرا مزاج تھا نہیں
رات بس اک چراغ کی لو سے رہا مکالمہ
صبح نہ جانے کب ہوئی ، کیسے ہوئی پتا نہیں
ایک ذرا سی بات ہے جس سے پڑے ہیں سارے پیچ
پیچ بھی وہ کہ درمیاں کوئی بھی دوسرا نہیں
کیسی عجیب بات ہے زعمِ ہنر کے باوجود
رنگ بکھر گئے تمام نقش کوئی بنا نہیں
جس میں تمام دل کی بات کھل کے بیان کرسکوں
ایک سخن وہی سخن مجھ سے کبھی ہوا نہیں
چہرہ بہ چہرہ ، لب بہ لب ، خواب بہ خواب ،دل بہ دل
عمر گزار دی گئی کوئی کہیں ملا نہیں
میری بیاض عشق میں مطلعِ اولِ غزل
درج تو کرلیا گیا ویسے کہیں پڑھا نہیں
دل کے معاملوں کے بیچ عمر کہاں سے آگئی
جانِ جہانِ افتخار وقت ابھی گیا نہیں
Yun To Nahin Ke Dil Mein Ab Koi Nayi Dua Nahin
Yun to nahin ke dil mein ab koi nayi dua nahin
Harf-e-dua to hai magar zikr ka hausla nahin
Der bahut hi der tak yaad kiya gaya unhein
Waise palat ke dekhna mera mizaaj tha nahin
Raat bas ik charagh ki lau se raha mukalma
Subh na jaane kab hui, kaise hui pata nahin
Ek zara si baat hai jis se pade hain saare pech
Pech bhi woh ke darmiyan koi bhi dusra nahin
Kaisi ajeeb baat hai za'm-e-hunar ke bawajood
Rang bikhar gaye tamaam naqsh koi bana nahin
Jis mein tamaam dil ki baat khul ke bayan kar sakoon
Ek sukhan wahi sukhan mujh se kabhi hua nahin
Chehra ba chehra, lab ba lab, khwab ba khwab, dil ba dil
Umar guzar di gayi koi kahin mila nahin
Meri bayaz-e-ishq mein matla-e-awwal-e-ghazal
Darj to kar liya gaya waise kahin padha nahin
Dil ke maamlon ke beech umar kahan se aa gayi
Jaan-e-jahan-e-Iftikhar waqt abhi gaya nahin
شاعر کے بارے میں
اردو کے عہدِ حاضر کے ممتاز شاعر افتخار حسین عارف 21 مارچ 1943 کو لکھنؤ میں پیدا ہوئے۔ ابتدائی تعلیم انہوں نے وہاں کے روایتی علمی ماحول۔فرنگی محل کے...
مکمل تعارف پڑھیں