ارے صیاد اس بیداد پر بیداد کیا کیجے — انعام اللہ خاں یقین
شاعر
ارے صیاد اس بیداد پر بیداد کیا کیجے
ارے صیاد اس بیداد پر بیداد کیا کیجے
شکار ناتواں مجھ سے کے تیں آزاد کیا کیجے
اٹھانے کا نہیں میں ہاتھ جوں گل اس گریباں سے
اگر بو کی طرح جاوے گا جی برباد کیا کیجے
بہار آئی ہے اور ہم گلستاں میں جا نہیں سکتے
خدا کے واسطے تو ہی کہہ اے صیاد کیا کیجے
ٹلا گر بے ستوں تو کیا ہوا خسرو نہیں ٹلتا
بڑا پتھر ہے چھاتی پر ترے فرہاد کیا کیجے
جفا پر دلبروں کے صبر کرنا ہی مناسب ہے
یقیںؔ دعویٰ وفا کا کر کے اب فریاد کیا کیجے
Are sayyad is bedad par bedad kya keejiye
Are sayyad is bedad par bedad kya keejiye
Shikar-e-natawan mujh se ke taeen azad kya keejiye
Uthane ka nahin main haath joon gul is gireban se
Agar boo ki tarah jaavega jee barbaad kya keejiye
Bahar aayi hai aur hum gulistan mein ja nahin sakte
Khuda ke waste tu hi keh ae sayyad kya keejiye
Tala gar be-sutoon to kya hua Khusrau nahin talta
Bada patthar hai chhaati par tere Farhad kya keejiye
Jafa par dilbaron ke sabr karna hi munasib hai
Yaqeen' da'wa-e-wafa ka kar ke ab faryaad kya keejiye
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں