اتنا کوئی جہاں میں کبھو بے وفا نہ تھا — انعام اللہ خاں یقین
شاعر
اتنا کوئی جہاں میں کبھو بے وفا نہ تھا
اتنا کوئی جہاں میں کبھو بے وفا نہ تھا
ملتے ہی میرے مجھ سے یہ دل آشنا نہ تھا
اب جوں سرشک خاک سے سکتا نہیں ہوں اٹھ
آگے میں دل کی آنکھ سے اتنا گرا نہ تھا
ناصح جو یہ نصیحت بے جا نہ میں سنی
معذور رکھ تو مجھ کو مرا دل بجا نہ تھا
مرنے کی طرح میں نے جو یہ اختیار کی
دیکھا تو زندگی میں مزا کچھ رہا نہ تھا
جو کچھ کہیں یہ تجھ کو یقیںؔ ہے سزا تری
بندہ جو تو بتوں کا ہوا کیا خدا نہ تھا
Itna koi jahan mein kabhu be-wafa na tha
Itna koi jahan mein kabhu be-wafa na tha
Milte hi mere mujh se ye dil aashna na tha
Ab juñ sarishk-e-khak se sakta nahin huñ uth
Aage maiñ dil ki aankh se itna gira na tha
Naseh jo ye naseehat-e-beja na maiñ suni
Ma'zoor rakh tu mujh ko mera dil baja na tha
Marne ki tarah maiñ ne jo ye ikhtiyar ki
Dekha to zindagi mein maza kuch raha na tha
Jo kuch kaheiñ ye tujh ko Yaqeen! hai saza teri
Banda jo tu buton ka hua kya khuda na tha
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں