گریباں پھاڑ ڈالے رشک سے ہر گل بدن اپنا — انعام اللہ خاں یقین
شاعر
گریباں پھاڑ ڈالے رشک سے ہر گل بدن اپنا
گریباں پھاڑ ڈالے رشک سے ہر گل بدن اپنا
نکالوں خاک سے جوں لالہ گر خونیں کفن اپنا
لگے گا ہاتھ پتھر اس طرح کی سعیٔ ناحق سے
پرائے دلبروں پر سر نہ چیر اے کوہ کن اپنا
دیا بر باد راز عشق اس چاک گریباں سے
نہ رکھا بوئے گل کی طرح میں نے ہاتھ من اپنا
ہمارا جی نکل جاتا ہے جب یہ نوجواں ہم کو
دکھاتے ہیں بھویں تیوری چڑھا کر بانکپن اپنا
یقیںؔ اس کے در دنداں کی باتیں جو کیا چاہے
صدف کی طرح دھوئے آب گوہر سے دہن اپنا
Girebaaň phaar daale rashk se har gul badan apna
Girebaaň phaar daale rashk se har gul badan apna
Nikaaluñ khak se juñ lala gar khooniiñ kafan apna
Lagega haath patthar is tarah ki sa'i-e-nahaq se
Paraye dilbaroñ par sar na cheer ae koh-kan apna
Diya barbad raaz-e-ishq is chaak-e-garebañ se
Na rakha boo-e-gul ki tarah maiñ ne haath mun apna
Hamara ji nikal jata hai jab ye naujawañ hum ko
Dikhate hain bhawein tiuri chaṛha kar bankpan apna
Yaqeen! us ke dur-e-dandaañ ki baatein jo kiya chahe
Sadaf ki tarah dhoye aab-e-gauhar se dahan apna
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں