گریباں پھاڑتے ہیں دیکھ خوبان چمن کیوں کر — انعام اللہ خاں یقین
شاعر
گریباں پھاڑتے ہیں دیکھ خوبان چمن کیوں کر
گریباں پھاڑتے ہیں دیکھ خوبان چمن کیوں کر
نہ کیجے چاک ناصح اس ہوا میں پیرہن کیوں کر
کرے محنت کوئی لذت اٹھاوے یار سے کوئی
کہو اپنے تئیں ضائع نہ کرتا کوہ کن کیوں کر
نہ دو اے گل رخاں تکلیف مجھ کو شعر خوانی کی
کہو بن فصل گل کوئی کرے دیوانہ پن کیوں کر
ہوا جاتا ہوں گز سایہ پہ پڑتی ہے نظر میری
تیری سج دیکھ کر احباب جیتے ہیں سجن کیوں کر
تعجب سخت رہتا ہے یقیںؔ اس بات کا مجھ کو
کہ اتنا بولتے ہیں تلخ یہ شیریں دہن کیوں کر
Girebaan phaadte hain dekh khooban-e-chaman kyoon kar
Girebaan phaadte hain dekh khooban-e-chaman kyoon kar
Na kīje chaak nāseh us havā mein pairahan kyoon kar
Kare mehnat koi lazzat uṭhāvay yaar se koi
Kaho apne ta.īñ zāy’a na kartā koh-kan kyoon kar
Na do aye gul-ruḳhān taklīf mujh ko she'r ḳhvānī kī
Kaho bin fasl-e-gul koi kare dīvāna-pan kyoon kar
Huvā jaatā huñ gaz saa.e pe paṛtī hai nazar merī
Terī saj dekh kar ahbāb jīte hain sajan kyoon kar
Ta'ajjub saḳht rahtā hai Yaqīn is baat kā mujh ko
Ki itnā bolte hain talḳh ye shīrīn-dahan kyoon kar
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں