عشق تیرے سے لگاوے نہ خدا عار مجھے — انعام اللہ خاں یقین
شاعر
عشق تیرے سے لگاوے نہ خدا عار مجھے
عشق تیرے سے لگاوے نہ خدا عار مجھے
نہ کرے دام رہائی میں گرفتار مجھے
حسن اور عشق میں ایک طور سے نسبت ہے ضرور
چشم بیمار تجھے دی ہے دل زار مجھے
یار آیا پہ مجھے ہوش نہ تھا کیا کہئے
نہ کیا اس دل دشمن نے خبردار مجھے
سنگ طفلاں کی میں امید پہ ہوں دیوانہ
تسپہ دیتے ہیں تغافل سے یہ آزار مجھے
جب سے نظارہ کیا ترک ہوا ہوں دل سرد
گرم رکھتا تھا یقیںؔ شعلۂ دیدار مجھے
Ishq tere se lagaave na Khuda aar mujhe
Ishq tere se lagaave na Khuda aar mujhe
Na kare daam rihaayi mein giraftaar mujhe
Husn aur ishq mein ek taur se nisbat hai zaroor
Chashm-e-bimaar tujhe di hai dil-e-zaar mujhe
Yaar aaya pe mujhe hosh na tha kya kahiye
Na kiya is dil-e-dushman ne khabardar mujhe
Sang-e-tiflaan ki main umeed pe hoon deewana
Tis pe dete hain taghaful se yeh aazaar mujhe
Jab se nazzara kiya tark hua hoon dil sard
Garm rakhta tha Yaqeen' shola-e-deedar mujhe
شاعر کے بارے میں
انعام اللہ خاں یقینؔ اٹھارہویں صدی کے اردو کے ممتاز اور صاحبِ اسلوب شاعر تھے۔ ان کی پیدائش 1727ء میں ہوئی اور وہ کم عمری میں ہی اردو غزل کے اہم نام...
مکمل تعارف پڑھیں