بوریت — اسماعیل راز
شاعر
بوریت
نہ کوئی آرزو
نہ کوئی امید
نہ گلا کوئی
نہ کوئی فریاد
نہ ہی رشتوں کے چھوٹنے کا غم
نہ کسی دلبر حسیں کی یاد
نہ محبت کی چاشنی باقی
نہ ہی وحشی جدائیوں کی رات
اب تو بس ایک ہی سلگتی ہوئی
بات دل سے ابھر کے اٹھتی ہے
ہر رگ جاں سے مثل سیل غم
سب حدیں
توڑ کے نکلتی ہے
کتنے بے رنگ ہیں مرے حالات
چھوڑ دیتے ہیں زندگی کا ساتھ
Boreyat
Na koi aarzoo
Na koi ummeed
Na gila koi
Na koi faryaad
Na hi rishton ke chhootne ka gham
Na kisi dilbar haseen ki yaad
Na mohabbat ki chaashni baqi
Na hi wahshi judaiyon ki raat
Ab to bas ek hi sulagti hui
Baat dil se ubhar ke uthti hai
Har rag-e-jaan se misl-e-sail-e-gham
Sab haddein
Tod ke nikalti hai
Kitne be-rang hain mere haalaat
Chhod dete hain zindagi ka saath
شاعر کے بارے میں
اسماعیل راز عصرِ حاضر کے نوجوان اردو شاعر ہیں جنہوں نے جدید حسیت اور داخلی شعور کے ذریعے اپنی الگ شناخت قائم کی ہے۔ وہ 1993ء میں واشم، بھارت میں پی...
مکمل تعارف پڑھیں