در کھول کے مت جھانکنا ہمدم مرے اندر — اسماعیل راز
شاعر
در کھول کے مت جھانکنا ہمدم مرے اندر
در کھول کے مت جھانکنا ہمدم مرے اندر
اٹھ جاتا ہے آہٹ پہ بھی ماتم مرے اندر
گونجے ہیں ابھی تک کسی مقتول کی چیخیں
قائم ہے ابھی خوف کا عالم مرے اندر
میں زد میں فسادوں کی اک آیا ہوا گھر ہوں
ہر چیز ہے اب درہم و برہم مرے اندر
اب کوئی خوشی مجھ میں پنپتی ہی نہیں ہے
آسیب کی صورت ہے ترا غم مرے اندر
میں ہجر کا مارا ہوں سو ہوتا ہے ہر اک شام
سورج کی جدائی پہ بھی ماتم مرے اندر
Dar khol ke mat jhankna hamdam mere andar
Dar khol ke mat jhankna hamdam mere andar
Uth jata hai aahat pe bhi maatam mere andar
Goonje hain abhi tak kisi maqtool ki cheekhein
Qaim hai abhi khauf ka alam mere andar
Main zad mein fasaadon ki ek aaya hua ghar hoon
Har cheez hai ab darham-o-barham mere andar
Ab koi khushi mujh mein panapti hi nahin hai
Aaseb ki soorat hai tera gham mere andar
Main hijr ka mara hoon so hota hai har ek shaam
Sooraj ki judai pe bhi maatam mere andar
شاعر کے بارے میں
اسماعیل راز عصرِ حاضر کے نوجوان اردو شاعر ہیں جنہوں نے جدید حسیت اور داخلی شعور کے ذریعے اپنی الگ شناخت قائم کی ہے۔ وہ 1993ء میں واشم، بھارت میں پی...
مکمل تعارف پڑھیں