دور دل سے مرے وحشت نہیں کی جا سکتی — اسماعیل راز
شاعر
دور دل سے مرے وحشت نہیں کی جا سکتی
دور دل سے مرے وحشت نہیں کی جا سکتی
اب تو تجھ سے بھی محبت نہیں کی جا سکتی
ظلم اتنے کیے اس نے کہ وہ اب قدموں میں
سر بھی رکھ دے تو مروت نہیں کی جا سکتی
پاس رہنا ہی تقاضائے محبت تو نہیں
اتنی سی بات پہ نفرت نہیں کی جا سکتی
جستجو میں تری میں جان بکف پھرتا ہوں
عشق میں خود سے محبت نہیں کی جا سکتی
ساری حیرت کی حدیں توڑ کے رکھ دیں اس نے
اب کسی بات پہ حیرت نہیں کی جا سکتی
Door dil se mere wahshat nahin ki ja sakti
Door dil se mere wahshat nahin ki ja sakti
Ab to tujh se bhi mohabbat nahin ki ja sakti
Zulm itne kiye us ne ki woh ab qadmon mein
Sar bhi rakh de to murawwat nahin ki ja sakti
Paas rahna hi taqaza-e-mohabbat to nahin
Itni si baat pe nafrat nahin ki ja sakti
Justuju mein teri main jaan ba-kaf phirta hoon
Ishq mein khud se mohabbat nahin ki ja sakti
Saari hairat ki haddein tod ke rakh dein us ne
Ab kisi baat pe hairat nahin ki ja sakti
شاعر کے بارے میں
اسماعیل راز عصرِ حاضر کے نوجوان اردو شاعر ہیں جنہوں نے جدید حسیت اور داخلی شعور کے ذریعے اپنی الگ شناخت قائم کی ہے۔ وہ 1993ء میں واشم، بھارت میں پی...
مکمل تعارف پڑھیں