دوست بہت رہے مگر یار نہیں بنا کوئی — اسماعیل راز
شاعر
دوست بہت رہے مگر یار نہیں بنا کوئی
دوست بہت رہے مگر یار نہیں بنا کوئی
یعنی میں چل پڑا تو دیوار نہیں بنا کوئی
اک تو یہ دکھ کہ کوئی حق دار ہی بن گیا ترا
اس پہ ستم یہ ہے کہ حق دار نہیں بنا کوئی
پھول بکا رہے ہیں ترشول بکانے والے بھی
جب سے وہ شہر آیا ہتھیار نہیں بنا کوئی
عشق شناس لوگ تھے سارے اداس لوگ تھے
سو مرے شہر سے اداکار نہیں بنا کوئی
شعبدہ باز اب کے مایوس پلٹ گیا ہے رازؔ
یعنی کہ بےوقوف اس بار نہیں بنا کوئی
Dost Bahut Rahe Magar Yaar Nahin Bana Koi
Dost bahut rahe magar yaar nahin bana koi
Ya'ni main chal pada to deewar nahin bana koi
Ik to yeh dukh ke koi haq-daar hi ban gaya tera
Is pe sitam yeh hai ke haq-daar nahin bana koi
Phool bika rahe hain tirshool bikane wale bhi
Jab se woh shehr aaya hathiyar nahin bana koi
Ishq-shanas log the saare udaas log the
So mere shehr se adakar nahin bana koi
Shobada-baz ab ke mayus palat gaya hai Raaz
Ya'ni ke bewuqoof is baar nahin bana koi
شاعر کے بارے میں
اسماعیل راز عصرِ حاضر کے نوجوان اردو شاعر ہیں جنہوں نے جدید حسیت اور داخلی شعور کے ذریعے اپنی الگ شناخت قائم کی ہے۔ وہ 1993ء میں واشم، بھارت میں پی...
مکمل تعارف پڑھیں