جو بھی تھا ختم ہو گیا مجھ میں — اسماعیل راز
شاعر
جو بھی تھا ختم ہو گیا مجھ میں
جو بھی تھا ختم ہو گیا مجھ میں
یعنی میں بھی نہیں رہا مجھ میں
کوئی در بند کر گیا میرا
کوئی گھٹ گھٹ کے مر گیا مجھ میں
کیوں ہے اب تو خموش کیوں ہے بتا
ڈھونڈنے والے کیا ملا مجھ میں
مر چکا ہوں میں ایک مدت سے
اب کوئی اور جی رہا مجھ میں
شب کوئی مجھ میں آ کے رویا خوب
اور پھر تھک کے سو گیا مجھ میں
Jo Bhi Tha Khatam Ho Gaya Mujh Mein
Jo bhi tha khatam ho gaya mujh mein
Ya'ni main bhi nahin raha mujh mein
Koi dar band kar gaya mera
Koi ghut ghut ke mar gaya mujh mein
Kyun hai ab tu khamosh kyun hai bata
Dhoondhne wale kya mila mujh mein
Mar chuka hoon main ek muddat se
Ab koi aur ji raha mujh mein
Shab koi mujh mein aa ke roya khoob
Aur phir thak ke so gaya mujh mein
شاعر کے بارے میں
اسماعیل راز عصرِ حاضر کے نوجوان اردو شاعر ہیں جنہوں نے جدید حسیت اور داخلی شعور کے ذریعے اپنی الگ شناخت قائم کی ہے۔ وہ 1993ء میں واشم، بھارت میں پی...
مکمل تعارف پڑھیں