کوئی امید نہیں باقی مگر دیکھتے ہیں — اسماعیل راز
شاعر
کوئی امید نہیں باقی مگر دیکھتے ہیں
کوئی امید نہیں باقی مگر دیکھتے ہیں
بستر مرگ پہ ہیں جانب در دیکھتے ہیں
ایک مہتاب سر بام فلک ہے روشن
اور حسرت سے اسے خاک بسر دیکھتے ہیں
اب مری ذات کی لے کر بھی تلاشی کیا ہے
میں ادھر ہوں ہی نہیں آپ جدھر دیکھتے ہیں
اتنی شدت سے تری کم نظری کا دکھ ہے
جتنی حیرت سے مجھے اہل نظر دیکھتے ہیں
جتنے رستے ہیں مری واپسی پر ہنستے ہیں
اور حقارت سے کناروں کے شجر دیکھتے ہیں
آپ بھی گھیر کے لائے ہوئے لگتے ہیں یہاں
آپ بھی کس سے مخاطب ہیں کدھر دیکھتے ہیں
Koi Umeed Nahin Baqi Magar Dekhte Hain
Koi umeed nahin baqi magar dekhte hain
Bistar-e-marg pe hain jaanib-e-dar dekhte hain
Ek mahtab sar-e-baam-e-falak hai roshan
Aur hasrat se use khak basar dekhte hain
Ab meri zaat ki le kar bhi talashi kya hai
Main idhar hoon hi nahin aap jidhar dekhte hain
Itni shiddat se teri kam nazri ka dukh hai
Jitni hairat se mujhe ahl-e-nazar dekhte hain
Jitne raste hain meri wapasi par hanste hain
Aur haqarat se kinaron ke shajar dekhte hain
Aap bhi gher ke laye hue lagte hain yahan
Aap bhi kis se mukhatib hain kidhar dekhte hain
شاعر کے بارے میں
اسماعیل راز عصرِ حاضر کے نوجوان اردو شاعر ہیں جنہوں نے جدید حسیت اور داخلی شعور کے ذریعے اپنی الگ شناخت قائم کی ہے۔ وہ 1993ء میں واشم، بھارت میں پی...
مکمل تعارف پڑھیں