لگا ہوں بولنے تو بڑبڑا رہا ہوں میں — اسماعیل راز
شاعر
لگا ہوں بولنے تو بڑبڑا رہا ہوں میں
لگا ہوں بولنے تو بڑبڑا رہا ہوں میں
خموش رہنے کی قیمت چکا رہا ہوں میں
ہر ایک شخص ترا رشتہ دار لگتا ہے
ہر ایک شخص کو خاطر میں لا رہا ہوں میں
تلاش کر کے نئے زاویے محبت کے
کئی دلوں کو دھڑکنا سکھا رہا ہوں میں
ضرورتاً کبھی قیمت گرائی تھی اپنی
نتیجتاً اب اذیت اٹھا رہا ہوں میں
دراصل اپنے گریباں کا پاس ہے مجھ کو
یہ ہر کسی سے جو دامن بچا رہا ہوں میں
میں رکھ رہا ہوں بہر حال اپنے نام کی لاج
شکستہ دل ہوں مگر مسکرا رہا ہوں میں
Laga Hoon Bolne To Badbada Raha Hoon Main
Laga hoon bolne to badbada raha hoon main
Khamosh rehne ki qeemat chuka raha hoon main
Har ek shakhs tera rishta daar lagta hai
Har ek shakhs ko khaatir mein la raha hoon main
Talaash kar ke naye zawiye mohabbat ke
Kai dilon ko dhadakna sikha raha hoon main
Zarooratan kabhi qeemat girayi thi apni
Nateejatan ab aziyat utha raha hoon main
Darasal apne girebaan ka paas hai mujh ko
Yeh har kisi se jo daman bacha raha hoon main
Main rakh raha hoon behr haal apne naam ki laaj
Shikasta dil hoon magar muskura raha hoon main
شاعر کے بارے میں
اسماعیل راز عصرِ حاضر کے نوجوان اردو شاعر ہیں جنہوں نے جدید حسیت اور داخلی شعور کے ذریعے اپنی الگ شناخت قائم کی ہے۔ وہ 1993ء میں واشم، بھارت میں پی...
مکمل تعارف پڑھیں