تیری محفل مری شرکت نہیں دیکھی جاتی — اسماعیل راز
شاعر
تیری محفل مری شرکت نہیں دیکھی جاتی
تیری محفل مری شرکت نہیں دیکھی جاتی
کئی آنکھوں سے یہ ساعت نہیں دیکھی جاتی
تیرے ہاتھوں کی مشقت پہ ترس آتا ہے
تیری زلفوں کی شرارت نہیں دیکھی جاتی
ڈر رہا ہوں کہ تکبر نہ کہیں دل میں پلے
دیکھنے والوں کی حیرت نہیں دیکھی جاتی
اپنے حق میں کسی دشمن کی طرح سوچتا ہوں
یعنی مجھ سے مری شہرت نہیں دیکھی جاتی
دل تو قائل نہیں تجدید محبت کا مگر
تیرے چہرے کی ندامت نہیں دیکھی جاتی
Teri Mehfil Meri Shirkat Nahin Dekhi Jati
Teri mehfil meri shirkat nahin dekhi jati
Kai aankhon se yeh sa'at nahin dekhi jati
Tere haathon ki mashaqqat pe tars aata hai
Teri zulfon ki shararat nahin dekhi jati
Dar raha hoon ke takabbur na kahin dil mein pale
Dekhne walon ki hairat nahin dekhi jati
Apne haq mein kisi dushman ki tarah sochta hoon
Ya'ni mujh se meri shohrat nahin dekhi jati
Dil to qail nahin tajdeed-e-mohabbat ka magar
Tere chehre ki nadamat nahin dekhi jati
شاعر کے بارے میں
اسماعیل راز عصرِ حاضر کے نوجوان اردو شاعر ہیں جنہوں نے جدید حسیت اور داخلی شعور کے ذریعے اپنی الگ شناخت قائم کی ہے۔ وہ 1993ء میں واشم، بھارت میں پی...
مکمل تعارف پڑھیں