زمانہ اس لیے لہجہ بدل رہا ہے دوست — اسماعیل راز
شاعر
زمانہ اس لیے لہجہ بدل رہا ہے دوست
زمانہ اس لیے لہجہ بدل رہا ہے دوست
ہمارا وقت ذرا پیچھے چل رہا ہے دوست
میں مسکرا رہا ہوں تیری رخصتی پہ اگر
تو مجھ میں کون ہے جو ہاتھ مل رہا ہے دوست
نہ مل سکی مرے حصے کی روشنی بھی مجھے
مرا چراغ کہیں اور جل رہا ہے دوست
پلید کر کے ہمارے وجود کی مٹی
ہمارے نام کا سورج نکل رہا ہے دوست
بتائیں کیا تجھے اب خستہ حالیٔ دل رازؔ
شکستہ خواب کے ٹکڑوں پہ پل رہا ہے دوست
Zamāna is liye lehja badal raha hai dost
Zamāna is liye lehja badal raha hai dost
Hamara waqt zara peeche chal raha hai dost
Main muskara raha hoon teri rukhsati pe agar
To mujh mein kaun hai jo haath mal raha hai dost
Na mil saki mere hisse ki roshni bhi mujhe
Mera chiragh kahin aur jal raha hai dost
Paleed kar ke hamare wujood ki miTTi
Hamare naam ka suraj nikal raha hai dost
Batayen kya tujhe ab khasta-e-haali Raaz
Shikasta khwaab ke tukDon pe pal raha hai dost
شاعر کے بارے میں
اسماعیل راز عصرِ حاضر کے نوجوان اردو شاعر ہیں جنہوں نے جدید حسیت اور داخلی شعور کے ذریعے اپنی الگ شناخت قائم کی ہے۔ وہ 1993ء میں واشم، بھارت میں پی...
مکمل تعارف پڑھیں