زندگی باعث امید بھی رسوائی بھی — اسماعیل راز
شاعر
زندگی باعث امید بھی رسوائی بھی
زندگی باعث امید بھی رسوائی بھی
اس کی دہلیز تلک لے گئی بھی لائی بھی
اسے تو دیکھتے ہی ڈگمگا جاتے ہیں قدم
اور پھر اس پہ وہ لے لیتی ہے انگڑائی بھی
میں کہ تنہا بھی ہوں روتا بھی ہوں ہنستا بھی ہوں
یعنی میں خود ہی تماشا بھی تماشائی بھی
اپنے عیبوں کو بھی اشعار میں کہہ دیتا ہوں
اور ستم یہ ہے کہ ہوتی ہے پذیرائی بھی
میرے ہم راہ ترے سوگ میں رہتے ہیں مدام
صرف کمرہ ہی نہیں صحن بھی انگنائی بھی
Zindagi baa'is-e-ummeed bhi ruswaayi bhi
Zindagi baa'is-e-ummeed bhi ruswaayi bhi
Us ki dehleez talak le gayi bhi laayi bhi
Use to dekhte hi dagmaga jaate hain qadam
Aur phir us pe woh le leti hai angDāyi bhi
Main ke tanhā bhi hoon rota bhi hoon hansta bhi hoon
Ya'ni main khud hi tamasha bhi tamashāi bhi
Apne aibon ko bhi ash'aar mein keh deta hoon
Aur sitam yeh hai ke hoti hai pazeeraai bhi
Mere humraah tere sog mein rehte hain mudaam
Sirf kamra hi nahin sehan bhi angnaayi bhi
شاعر کے بارے میں
اسماعیل راز عصرِ حاضر کے نوجوان اردو شاعر ہیں جنہوں نے جدید حسیت اور داخلی شعور کے ذریعے اپنی الگ شناخت قائم کی ہے۔ وہ 1993ء میں واشم، بھارت میں پی...
مکمل تعارف پڑھیں