دل میں دھڑکن ہے نہ آنکھوں میں نظر باقی ہے — کامل شطاری
شاعر
دل میں دھڑکن ہے نہ آنکھوں میں نظر باقی ہے
دل میں دھڑکن ہے نہ آنکھوں میں نظر باقی ہے
پھر بھی سب کچھ ہے غم یار اگر باقی ہے
اور کچھ لوٹ لے افتاد محبت کے مزے
کچھ تماشا جو ابھی شعبدہ گر باقی ہے
ہم کسی اور کی دہلیز پہ سر کیوں پھوڑیں
سر سودا زدہ باقی ترا در باقی ہے
قوت عشق پہ تکیہ بھی ہے توہین نیاز
کیوں ابھی تک مری آہوں میں اثر باقی ہے
جتنے در بند ہیں اللہ کرے بند رہیں
تیرے بندوں کے لئے جب ترا در باقی ہے
اور کچھ حق جنوں ہے تو ادا کر دیں گے
ایک بھی تار گریباں میں اگر باقی ہے
پستیٔ عقل ہے تاریکیٔ قسمت کا سوال
شب یہ کہتی ہے کہ ہنگام سحر باقی ہے
عیب کو عیب سمجھنا تو نئی بات نہیں
عیب یہ بھی ہے کہ احساس ہنر باقی ہے
بیڑیاں کٹ گئیں ہر پائے نگہ کی کاملؔ
اب تو بے قید بس اک ذوق نظر باقی ہے
کامل شطاری
Dil mein dhadkan hai na aankhon mein nazar baqi hai
Dil mein dhadkan hai na aankhon mein nazar baqi hai
Phir bhi sab kuch hai gham-e-yar agar baqi hai
Aur kuch loot le aftad-e-mohabbat ke maze
Kuch tamasha jo abhi shobada-gar baqi hai
Hum kisi aur ki dahleez pe sar kyun phoden
Sar sauda-zada baqi tera dar baqi hai
Quwwat-e-ishq pe takiya bhi hai tauheen-e-niyaz
Kyun abhi tak meri aahon mein asar baqi hai
Jitne dar band hain Allah kare band rahen
Tere bandon ke liye jab tera dar baqi hai
Aur kuch haq-e-junoon hai to ada kar denge
Ek bhi taar gareban mein agar baqi hai
Pasti-e-aql hai tareeki-e-qismat ka sawal
Shab ye kahti hai ke hangam-e-sahar baqi hai
Aib ko aib samajhna to nayi baat nahin
Aib ye bhi hai ke ehsaas-e-hunar baqi hai
Bediyan kat gayin har paaye nigah ki Kamil
Ab to be-qaid bas ek zauq-e-nazar baqi hai
شاعر کے بارے میں
کامل شطاری اردو کے معروف صوفی شاعر، نعت گو اور غزل نگار تھے جن کا اصل نام شیخین احمد حسینی تھا۔ وہ 1905ء میں حیدرآباد دکن کے تاریخی علاقے دبیرپورہ ...
مکمل تعارف پڑھیں