ہمارے خاکے اڑا اڑا کر وہ اپنا نقشہ جما رہے ہیں — کامل شطاری
شاعر
ہمارے خاکے اڑا اڑا کر وہ اپنا نقشہ جما رہے ہیں
ہمارے خاکے اڑا اڑا کر وہ اپنا نقشہ جما رہے ہیں
مجال کس کی جو ان سے پوچھے حضور یہ کیا بنا رہے ہیں
محبت ایسی بری بلا ہے فریب نظارہ کھا رہے ہیں
ہم ان کے دھوکوں کو جان کر بھی پھر ان کے دھوکے میں آ رہے ہیں
نئے نئے داغ دے کے دل کو نئے نئے گل کھلا رہے ہیں
غریب عاشق کا دخل ہی کیا وہ اپنے گھر کو سجا رہے ہیں
وہ ہم پہ مشق ستم سے اپنے ہمارا دل آزما رہے ہیں
کرم کا مصدر بنے ہوئے ہیں ستم کا مرکز بنا رہے ہیں
ہمارا کیا حال پوچھتے ہو تڑپ رہے تلملا رہے ہیں
نفس نفس سوز مستقل ہے مزے محبت کے آ رہے ہیں
وہی نگاہوں میں بس رہے ہیں وہی تصور پہ چھا رہے ہیں
کھلی ہوں یا بند میری آنکھیں وہی کھڑے مسکرا رہے ہیں
نظر اٹھاتے ہیں جس طرف بھی وہی نظر ہم کو آ رہے ہیں
وجود ہر شئے ہے جن کے دم سے انہیں کو ہر شئے میں پا رہے ہیں
مجسم اک شعر و نغمہ بن کر جو زیر لب گنگنا رہے ہیں
وہی ہیں فکر و نظر کا مرکز انہیں کے ہم گیت گا رہے ہیں
ہے جس سے میری حیات روشن نہیں نہیں کائنات روشن
وہی تو ہے شمع بزم عالم اسی سے ہم لو لگا رہے ہیں
دیا ہے دم جس کی ہر ادا پر میں جس سے مجبور ہوں وفا پر
جناب واعظ مجھے اسی سے خبر نہیں کیوں ڈرا رہے ہیں
کسی کی یہ شوخیاں تو دیکھو یہ ہم سے ہمدردیاں تو دیکھو
یہ جو آگ دل میں دبی ہوئی تھی اسے ہوا دے کے جا رہے ہیں
یہ کیوں سویرا سا ہو چلا ہے نقاب کس نے الٹ دیا ہے
یہ چاند کیوں پڑ گیا ہے پھیکا ستارے کیوں جھلملا رہے ہیں
خبر نہیں کس نے فتح پائی شکست حصے میں کس کے آئی
ہماری دنیائے دل بدل کر وہ جانے کیوں مسکرا رہے ہیں
وہی تو مقصود دل ہیں کاملؔ وہی تو ہیں زندگی کا حاصل
وہ میری دنیائے آرزو میں شریک ہر مدعا رہے ہیں
کامل شطاری
Hamare khaake uda uda kar woh apna naqsha jama rahe hain
Hamare khaake uda uda kar woh apna naqsha jama rahe hain
Majal kis ki jo un se poochhe Huzoor ye kya bana rahe hain
Mohabbat aisi buri bala hai fareb-e-nazzara kha rahe hain
Hum unke dhokon ko jaan kar bhi phir unke dhoke mein aa rahe hain
Naye naye daag de ke dil ko naye naye gul khila rahe hain
Ghareeb aashiq ka dakhal hi kya woh apne ghar ko saja rahe hain
Woh hum pe mashq-e-sitam se apne hamara dil aazma rahe hain
Karam ka masdar bane hue hain sitam ka markaz bana rahe hain
Hamara kya haal poochhte ho tadap rahe tilmila rahe hain
Nafas nafas soz-e-mustaqil hai maze mohabbat ke aa rahe hain
Wohi nigahon mein bas rahe hain wohi tasawwur pe chha rahe hain
Khuli hon ya band meri aankhein wohi khade muskura rahe hain
Nazar uthate hain jis taraf bhi wohi nazar hum ko aa rahe hain
Wujood har shai hai jin ke dam se unhi ko har shai mein paa rahe hain
Mujassam ik sher-o-naghma ban kar jo zer-e-lab gunguna rahe hain
Wohi hain fikr-o-nazar ka markaz unhi ke hum geet gaa rahe hain
Hai jis se meri hayaat roshan nahi nahi kaainat roshan
Wohi toh hai shama-e-bazm-e-aalam isi se hum lau laga rahe hain
Diya hai dam jis ki har adaa par main jis se majboor hoon wafa par
Janab-e-waaiz mujhe isi se khabar nahi kyun dara rahe hain
Kisi ki ye shokhiyan toh dekho ye hum se hamdardiyan toh dekho
Ye jo aag dil mein dabbi hui thi use hawa de ke ja rahe hain
Ye kyun savera sa ho chala hai naqaab kis ne ulat diya hai
Ye chand kyun pad gaya hai pheeka sitaare kyun jhilmila rahe hain
Khabar nahi kis ne fatah paayi shikast hisse mein kis ke aayi
Hamari duniya-e-dil badal kar woh jaane kyun muskura rahe hain
Wohi toh maqsood-e-dil hain Kamil wohi toh hain zindagi ka hasil
Woh meri duniya-e-aarzoo mein shareek-e-har mudd'aa rahe hain
شاعر کے بارے میں
کامل شطاری اردو کے معروف صوفی شاعر، نعت گو اور غزل نگار تھے جن کا اصل نام شیخین احمد حسینی تھا۔ وہ 1905ء میں حیدرآباد دکن کے تاریخی علاقے دبیرپورہ ...
مکمل تعارف پڑھیں