حیات عشق کا اک سرمدی پیام آیا — کامل شطاری
شاعر
حیات عشق کا اک سرمدی پیام آیا
حیات عشق کا اک سرمدی پیام آیا
نبی کے نام پہ مرنا بھی کتنا کام آیا
طریق عشق میں ایسا بھی اک مقام آیا
خدا کے نام سے پہلے نبی کا نام آیا
یہی سمجھ کے ادھر بھی ہو اک نگاہ کرم
ہمارے در کے غلاموں کا اک غلام آیا
تمہیں تو آرزوئے دل تمہیں تو مقصد جاں
نئی حیات ملی جب تمہارا نام آیا
سگان در سے بھی نسبت ہے جن کو حضرت کے
زہے نصیب اگر ان میں ہمارا نام آیا
خدا دراز کرے عمر سوز عشق نبی
سلوک غم کی ہر اک موڑ پر یہ کام آیا
نبی کے مصحف رخ پر جہاں نگاہ پڑی
ہمارے سامنے سجدے کا اک مقام آیا
خطا معاف ہو پروردۂ عنایت کی
حضور لے کے جو میں نعت ناتمام آیا
قدم حضور کے دیکھو تمہارا سر دیکھو
جنوں میں کب سے یہ کاملؔ خیال خام آیا
کامل شطاری
Hayaat-e-ishq ka ik sarmadi payam aaya
Hayaat-e-ishq ka ik sarmadi payam aaya
Nabi ke naam pe marna bhi kitna kaam aaya
Tareeq-e-ishq mein aisa bhi ik maqam aaya
Khuda ke naam se pehle Nabi ka naam aaya
Yehi samajh ke idhar bhi ho ik nigah-e-karam
Hamare dar ke ghulamon ka ik ghulam aaya
Tumhein toh aarzoo-e-dil tumhein toh maqsad-e-jaan
Nayi hayaat mili jab tumhara naam aaya
Sagaan-e-dar se bhi nisbat hai jin ko Hazrat ke
Zahe naseeb agar un mein hamara naam aaya
Khuda daraaz kare umr-e-soz-e-ishq-e-Nabi
Sulook-e-gham ki har ik mod par ye kaam aaya
Nabi ke mushaf-e-rukh par jahan nigah padi
Hamare saamne sajde ka ik maqam aaya
Khata maaf ho parwarda-e-inayat ki
Huzoor le ke jo main naat na-tamaam aaya
Qadam Huzoor ke dekho tumhara sar dekho
Junoon mein kab se ye Kamil khayal-e-khaam aaya
شاعر کے بارے میں
کامل شطاری اردو کے معروف صوفی شاعر، نعت گو اور غزل نگار تھے جن کا اصل نام شیخین احمد حسینی تھا۔ وہ 1905ء میں حیدرآباد دکن کے تاریخی علاقے دبیرپورہ ...
مکمل تعارف پڑھیں