ایک ہی طرح پہ ہر شخص کی قسمت نہ ہوئی — کامل شطاری
شاعر
ایک ہی طرح پہ ہر شخص کی قسمت نہ ہوئی
ایک ہی طرح پہ ہر شخص کی قسمت نہ ہوئی
سب کے حصے کی ترے غم کی مسرت نہ ہوئی
وہ محبت تری جس پر مرا سب کچھ بھی نثار
وہ مرا دل ہے کہ جس کی کوئی قیمت نہ ہوئی
ایسا بیگانہ غم لذت غم کیا جانے
جس کو تا عمر کسی سے بھی محبت نہ ہوئی
ہائے کم بخت نصیبہ ترے مہجوروں کا
عید کے دن بھی انہیں کوئی مسرت نہ ہوئی
وقت پر داغ محبت ہی مرے کام آیا
مجھ سے پرسس کی نکیرین کو جرأت نہ ہوئی
آپ کے پردے نے جب آپ کی سورت لے لی
یوں بھی کیا فاش پس پردہ حقیقت نہ ہوئی
دیکھنا شوخیٔ تہمت ایک وہ فرماتے کوئی
کیا خموشی بھی تری حسن شکایت نہ ہوئی
کل کا غم کیوں ہو کہ ہوں آپ کا پامال خرام
کیا مرے سامنے سو بار قیامت نہ ہوئی
بے کسی تیرے سوا کس نے مرا ساتھ دیا
کوئی ڈھارس بھی شریک غم غربت نہ ہوئی
آ گیا کام کسی وقت کا مرنا کاملؔ
مجھ تک آنے کی مری موت کو زحمت نہ ہوئی
کامل شطاری
Ek hi tarah pe har shakhs ki qismat na hui
Ek hi tarah pe har shakhs ki qismat na hui
Sab ke hisse ki tere gham ki masarrat na hui
Woh mohabbat teri jis par mera sab kuch bhi nisar
Woh mera dil hai ke jis ki koi qeemat na hui
Aisa be-ganah-e-gham lazzat-e-gham kya jaane
Jis ko ta-umr kisi se bhi mohabbat na hui
Haye kambakht naseeba tere mahjooron ka
Eid ke din bhi unhein koi masarrat na hui
Waqt par dagh-e-mohabbat hi mere kaam aaya
Mujh se pursish ki nakeerain ko jurrat na hui
Aap ke parde ne jab aap ki surat le li
Yun bhi kya fash pas-e-parda haqiqat na hui
Dekhna shokhi-e-tohmat ek woh farmate koi
Kya khamoshi bhi teri husn-e-shikayat na hui
Kal ka gham kyun ho ke hoon aap ka pamal-e-kharam
Kya mere samne sau baar qiyamat na hui
Be-kasi tere siwa kis ne mera saath diya
Koi dhaaras bhi shareek-e-gham-e-ghurbat na hui
Aa gaya kaam kisi waqt ka marna Kamil
Mujh tak aane ki meri maut ko zehmat na hui
شاعر کے بارے میں
کامل شطاری اردو کے معروف صوفی شاعر، نعت گو اور غزل نگار تھے جن کا اصل نام شیخین احمد حسینی تھا۔ وہ 1905ء میں حیدرآباد دکن کے تاریخی علاقے دبیرپورہ ...
مکمل تعارف پڑھیں