ہم جو کسی کے ہو گئے ہم جو کسی پر مر گئے — کامل شطاری
شاعر
ہم جو کسی کے ہو گئے ہم جو کسی پر مر گئے
ہم جو کسی کے ہو گئے ہم جو کسی پر مر گئے
اپنی تمام عمر میں کام یہی تو کر گئے
دل کے نصیب جاگ اٹھے تار نظر سنور گئے
آپ جہاں جہاں رہے آپ جدھر جدھر گئے
حسن کو جن پہ ناز تھا جب سے وہ دیدہ ور گئے
کتنے ہی چہرے پھول سے زرد پڑے اتر گئے
جب نہ ہو کوئی قدرداں فصل بہار بھی خزاں
غنچے چٹک کے رہ گئے پھول کھلے بکھر گئے
ڈھونڈھ رہی ہے بار بار ان کی نگاہ سوگوار
اہل وفا وہ کیا ہوئے اہل نظر کدھر گئے
حسن وہی ادا وہی جلوہ وہی فضا وہی
کس سے نظر کی داد لوں ہائے وہ ہم نظر گئے
اک در یار کے سوا کچھ نہ کہیں سکوں ملا
جانے کہاں کہاں پھرے جانے کدھر کدھر گئے
اپنی تو موت اور حیات ان کی بس اک نظر کی بات
ایک نظر میں جی اٹھے ایک نظر میں مر گئے
کاملؔ اسی پہ چھوڑ دے دست دعا کو توڑ دے
صبر سے اب بھی کام لے نالہ تو بے اثر گئے
کامل شطاری
Hum jo kisi ke ho gaye hum jo kisi par mar gaye
Hum jo kisi ke ho gaye hum jo kisi par mar gaye
Apni tamam umar mein kaam yehi to kar gaye
Dil ke naseeb jaag uthe taar-e-nazar sanwar gaye
Aap jahan jahan rahe aap jidhar jidhar gaye
Husn ko jin pe naz tha jab se woh dida-war gaye
Kitne hi chehre phool se zard pade utar gaye
Jab na ho koi qadardan fasl-e-bahar bhi khizan
Ghunche chatak ke rah gaye phool khile bikhar gaye
Dhoondh rahi hai bar bar un ki nigah sogwar
Ahl-e-wafa woh kya hue ahl-e-nazar kidhar gaye
Husn wahi ada wahi jalwa wahi faza wahi
Kis se nazar ki dad loon haye woh hum-nazar gaye
Ek dar-e-yar ke siwa kuch na kahin sukoon mila
Jaane kahan kahan phire jaane kidhar kidhar gaye
Apni to maut aur hayat un ki bas ek nazar ki baat
Ek nazar mein ji uthe ek nazar mein mar gaye
Kamil isi pe chhod de dast-e-dua ko tod de
Sabr se ab bhi kaam le nala to be-asar gaye
شاعر کے بارے میں
کامل شطاری اردو کے معروف صوفی شاعر، نعت گو اور غزل نگار تھے جن کا اصل نام شیخین احمد حسینی تھا۔ وہ 1905ء میں حیدرآباد دکن کے تاریخی علاقے دبیرپورہ ...
مکمل تعارف پڑھیں