مری آرزو مرا مدعا کوئی اور اس کے سوا نہیں — کامل شطاری
شاعر
مری آرزو مرا مدعا کوئی اور اس کے سوا نہیں
مری آرزو مرا مدعا کوئی اور اس کے سوا نہیں
غم یار ہے تو جہان ہے مجھے کیا کمی مجھے کیا نہیں
تری بے نیازی کا فتنہ گر مجھے تجھ سے کوئی گلہ نہیں
تو ہزار بار جدا رہے تری یاد دل سے جدا نہیں
یہ کہاں کا روگ ہے کیا کہوں مرے دل کو چین ذرا نہیں
وہ ملیں تو کوئی مرض نہیں نہ ملیں تو کوئی دوا نہیں
نہیں فرق ذات و صفات میں کہ صفات جمع ہیں ذات میں
میں کہیں بھی اس سے الگ نہیں وہ کہیں بھی مجھ سے جدا نہیں
ترے ہاتھ میری فنا بقا ترے ہاتھ میری سزا جزہ
مجھے ناز ہے کہ ترے سوا کوئی اور میرا خدا نہیں
وہی ان کی شوخ تجلیاں وہی کاملؔ اور وہی بجلیاں
کہے کون کیا ہیں یہ شوخیاں کہ مجال چوں و چرا نہیں
کامل شطاری
Meri aarzoo, mera muddaa koi aur us ke siwa nahin
Meri aarzoo, mera muddaa koi aur us ke siwa nahin
Gham-e-yaar hai toh jahan hai, mujhe kya kami, mujhe kya nahin
Teri be-niyazi ka fitna gar mujhe tujh se koi gila nahin
Tu hazaar baar juda rahe, teri yaad dil se juda nahin
Yeh kahan ka rog hai kya kahoon, mere dil ko chain zara nahin
Woh milen toh koi marz nahin, na milen toh koi dawa nahin
Nahin farq zaat-o-sifaat mein ke sifaat jama hain zaat mein
Main kahin bhi us se alag nahin, woh kahin bhi mujh se juda nahin
Tere haath meri fanaa baqaa, tere haath meri saza jaza
Mujhe naaz hai ke tere siwa koi aur mera Khuda nahin
Wahi un ki shokh tajalliyan, wahi Kamil aur wahi bijliyan
Kahe kaun kya hain yeh shokhiyan ke majal-e-chun-o-chara nahin
شاعر کے بارے میں
کامل شطاری اردو کے معروف صوفی شاعر، نعت گو اور غزل نگار تھے جن کا اصل نام شیخین احمد حسینی تھا۔ وہ 1905ء میں حیدرآباد دکن کے تاریخی علاقے دبیرپورہ ...
مکمل تعارف پڑھیں