مجھے دے رہے ہیں تسکیں وہ مذاق غم بدل کر — کامل شطاری
شاعر
مجھے دے رہے ہیں تسکیں وہ مذاق غم بدل کر
مجھے دے رہے ہیں تسکیں وہ مذاق غم بدل کر
نکل آئی دل کی حسرت مرے آنسوؤں میں ڈھل کر
ادب اے جنون الفت یہ مقام بندگی ہے
ترا جو قدم بھی اٹھے وہ اٹھے ذرا سنبھل کر
یہ بنی عجیب کچھ شئے مرے عشق کی بدولت
ترے حسن کی خدائی مری بندگی میں ڈھل کر
فقط آرزوئے دل پر ہے مدار زندگانی
مجھے بے مزا نہ کر دے کوئی آرزو نکل کر
دیار سے اٹھا ہوں نہ اٹھوں گا تا قیامت
کہ یہیں سکوں ملا ہے مرے دل کو اب تو چل کر
کبھی کچھ نظر ہے ان کی کبھی کچھ نظر ہے ان کی
وہ پلائے جا رہے ہیں مجھے مے بدل بدل کر
رہوں بے نیاز مقصد تری بندہ پروری سے
کہیں لب تک آ نہ جائے کوئی مدعا مچل کر
کوئی ہم سے بڑھ کے ساقی نہیں مستحق کرم کا
کہ ملے ہیں مے کشوں میں ترے میکدے میں پل کر
وہ غرور حسن خود سر و سر نیاز کاملؔ
کوئی مسکرا رہا ہے مری زندگی بدل کر
کامل شطاری
Mujhe de rahe hain taskeen woh mazaq-e-gham badal kar
Mujhe de rahe hain taskeen woh mazaq-e-gham badal kar
Nikal aayi dil ki hasrat mere aansuon mein dhal kar
Adab ae junoon-e-ulfat ye maqam-e-bandagi hai
Tera jo qadam bhi uthe woh uthe zara sambhal kar
Ye bani ajeeb kuch shai mere ishq ki badolat
Tere husn ki khudai meri bandagi mein dhal kar
Faqat aarzoo-e-dil par hai madar-e-zindagani
Mujhe be-maza na kar de koi aarzoo nikal kar
Diyar se utha hoon na uthoon ga ta qayamat
Ke yahin sukoon mila hai mere dil ko ab toh chal kar
Kabhi kuch nazar hai unki kabhi kuch nazar hai unki
Woh pilaaye ja rahe hain mujhe mai badal badal kar
Rahoon be-niyaaz-e-maqsad teri banda parwari se
Kahin lab tak aa na jaye koi mudd'aa machal kar
Koi hum se badh ke Saaqi nahi mustahiq-e-karam ka
Ke mile hain mai-kashon mein tere maikade mein pal kar
Woh ghuroor-e-husn khud-sar o sar-e-niyaaz Kamil
Koi muskura raha hai meri zindagi badal kar
شاعر کے بارے میں
کامل شطاری اردو کے معروف صوفی شاعر، نعت گو اور غزل نگار تھے جن کا اصل نام شیخین احمد حسینی تھا۔ وہ 1905ء میں حیدرآباد دکن کے تاریخی علاقے دبیرپورہ ...
مکمل تعارف پڑھیں