نہ کھو دیتے ترے جلوے تو یہ کس کو یقیں ہوتا — کامل شطاری
شاعر
نہ کھو دیتے ترے جلوے تو یہ کس کو یقیں ہوتا
نہ کھو دیتے ترے جلوے تو یہ کس کو یقیں ہوتا
دم نظارہ جلووں کے سوا کچھ بھی نہیں ہوتا
خدا جانے کہ اس حسرت میں کتنے جان کھو بیٹھے
ترا جلوہ کسی دن خاتم دل کا نگیں ہوتا
طلب اور جستجو شرط مقدم ہے مگر پھر بھی
نہ چاہیں خود ہی وہ جب تک کسی سے کچھ نہیں ہوتا
تری یکتائی کی خاطر خیال اپنا بٹایا ہے
تصور حد سے بڑھ جاتا تو صورت آفریں ہوتا
ہزاروں غفلتوں سے سابقہ دن رات پڑتا ہے
مگر دل ہے کہ اس کی یاد سے غافل نہیں ہوتا
کبھی افتادگی کی قوتیں بھی دیکھیے کاملؔ
وہیں سے کام بنتا ہے جہاں کچھ بھی نہیں ہوتا
کامل شطاری
Na kho dete tere jalwe toh yeh kis ko yaqeen hota
Na kho dete tere jalwe toh yeh kis ko yaqeen hota
Dam-e-nazara jalwon ke siwa kuch bhi nahin hota
Khuda jaane ke us hasrat mein kitne jaan kho baithe
Tera jalwa kisi din khatim-e-dil ka nageen hota
Talab aur justuju shart-e-muqaddam hai magar phir bhi
Na chahein khud hi woh jab tak kisi se kuch nahin hota
Teri yaktaai ki khaatir khayal apna bataaya hai
Tasawwur had se badh jaata toh surat-aafreen hota
Hazaron ghaflaton se saabiqa din raat padta hai
Magar dil hai ke us ki yaad se ghafil nahin hota
Kabhi iftadagi ki quwwatein bhi dekhiye Kamil
Wahin se kaam banta hai jahan kuch bhi nahin hota
شاعر کے بارے میں
کامل شطاری اردو کے معروف صوفی شاعر، نعت گو اور غزل نگار تھے جن کا اصل نام شیخین احمد حسینی تھا۔ وہ 1905ء میں حیدرآباد دکن کے تاریخی علاقے دبیرپورہ ...
مکمل تعارف پڑھیں