سو بار ہوئی دل کی بری طرح تباہی — کامل شطاری
شاعر
سو بار ہوئی دل کی بری طرح تباہی
سو بار ہوئی دل کی بری طرح تباہی
معصوم ہے پھر بھی تری دزدیدہ نگاہی
تو خانہ بر انداز بنے یا مرا دم ساز
ہے تیری حکومت ترا سکہ تری شاہی
تونے بھی اگر پھیر لی چشم کرم اپنی
ہم جیسے گناہ گار کہاں جائیں الٰہی
احساس کی دنیا میں ہوں کیوں جی نہ بھر آئے
دیکھی نہیں جاتی ترے بندوں کی تباہی
تقدیر محبت بھی کہاں جا کے لڑی ہے
میں بندۂ پر عیب وہ محبوب الٰہی
یوں ڈھل گئی مرضی مری منشا پہ کسی کے
جو بات مرے دل میں ٹھنی اس نے وہ چاہی
ڈرتا ہوں میں جب زہد پہ کرتا ہے کوئی ناز
لٹیا نہ ڈبو دے کہیں نا کردہ گناہی
ساقی تری یاد آتے ہی کھو دیتی ہے مجھ کسی
مستانہ روش مست ادا مست نگاہی
یہ عشق کی منزل ہے قدم پھونک کے رکھیے
کاملؔ ہے یہاں ایک تباہی سی تباہی
کامل شطاری
Sau baar hui dil ki buri tarah tabahi
Sau baar hui dil ki buri tarah tabahi
Masoom hai phir bhi teri duzdida nigahi
Tu khana bar andaaz bane ya mera dam saaz
Hai teri hukumat, tera sikka, teri shahi
Tune bhi agar pher li chashm-e-karam apni
Hum jaise gunaahgaar kahan jaaein Ilaahi
Ehsaas ki duniya mein hoon kyun ji na bhar aaye
Dekhi nahi jaati tere bandon ki tabahi
Taqdeer-e-mohabbat bhi kahan ja ke ladi hai
Main banda-e-pur aib, woh mehboob-e-ilaahi
Yun dhal gayi marzi meri mansha pe kisi ke
Jo baat mere dil mein thuni us ne woh chahi
Darta hoon main jab zahed pe karta hai koi naaz
Lutya na dubo de kahin na-karda gunahi
Saaqi teri yaad aate hi kho deti hai mujh kisi
Mastana rawish mast ada mast nigahi
Ye ishq ki manzil hai qadam phoonk ke rakhiye
Kamil hai yahan ek tabahi si tabahi
شاعر کے بارے میں
کامل شطاری اردو کے معروف صوفی شاعر، نعت گو اور غزل نگار تھے جن کا اصل نام شیخین احمد حسینی تھا۔ وہ 1905ء میں حیدرآباد دکن کے تاریخی علاقے دبیرپورہ ...
مکمل تعارف پڑھیں