ترک غم گوارا ہے اور نہ غم کا یارا ہے — کامل شطاری
شاعر
ترک غم گوارا ہے اور نہ غم کا یارا ہے
ترک غم گوارا ہے اور نہ غم کا یارا ہے
اب تو دل کی ہر دھڑکن عالم آشکارا ہے
ہم سے بے سہاروں کو آپ کا سہارا ہے
آپ ہی کی دکھ سکھ میں عمر بھر پکارا ہے
موج خود سفینہ ہے بحر خود کنارا ہے
ناخدا سے کیا مطلب جب خدا ہمارا ہے
ہو چلا یقین جب سے وہ حسیں ہمارا ہے
یہ خوش اعتمادی بھی اک بڑا سہارا ہے
یہ تو کہیے کیا اس کو آپ چھوڑ سکتے ہیں
جس نے مرتے مرتے بھی آپ کو پکارا ہے
لطف بندگی تم سے میری زندگی تم سے
تم نہیں تو پھر کس کو زندگی گوارا ہے
کس خطا پہ جھونکی ہے خاک میری آنکھوں میں
کیا مقام تھا میرا اور کہاں اتارا ہے
حاصل مراد دل چشم التفاف اس کی
ساری کائنات اپنی وہ اگر ہمارا ہے
پھر اسی پہ مرنے کو جی اٹھوں گا محشر میں
پھر وہی جلائے گا جس نے مجھ کو مارا ہے
بچ کے سب کی نظروں سے ہم نے آنکھوں آنکھوں میں
اپنے یار کا صدقہ بارہا اتارا ہے
یہ تو صاف ظاہر ہے ہم اسی کے بندے ہیں
کوئی اس سے جا پوچھے وہ بھی کیا ہمارا ہے
جو نہ دیکھ سکتا ہو چاک دامنی میری
چاک پردۂ عصیاں کب اسے گوارا ہے
ہم سے پوچھئے صاحب انتظار کی گھڑیاں
ہم نے رات کاٹی ہے ہم نے دن گزارا ہے
اک طرف تمنائیں اک طرف خوشی ان کی
ہائے کس دوراہے پر کشمکش نے مارا ہے
بے ہنری سہی لیکن بے وفا نہیں کاملؔ
یہ تمہارا بندہ ہے اور فقط تمہارا ہے
کامل شطاری
Tark-e-gham gawara hai aur na gham ka yaara hai
Tark-e-gham gawara hai aur na gham ka yaara hai
Ab to dil ki har dhadkan alam ashikara hai
Hum se be-saharon ko aap ka sahara hai
Aap hi ki dukh sukh mein umar bhar pukara hai
Mauj khud safina hai bahr khud kinara hai
Nakhuda se kya matlab jab Khuda hamara hai
Ho chala yaqeen jab se woh haseen hamara hai
Ye khush-e'temadi bhi ek bada sahara hai
Ye to kahiye kya us ko aap chhod sakte hain
Jis ne marte marte bhi aap ko pukara hai
Lutf-e-bandagi tum se meri zindagi tum se
Tum nahin to phir kis ko zindagi gawara hai
Kis khata pe jhonke hai khak meri aankhon mein
Kya maqam tha mera aur kahan utara hai
Hasil-e-murad-e-dil chashm-e-iltifaf us ki
Saari kainat apni woh agar hamara hai
Phir isi pe marne ko ji uthoon ga mahshar mein
Phir wahi jalayega jis ne mujh ko mara hai
Bach ke sab ki nazron se hum ne aankhon aankhon mein
Apne yaar ka sadqa barha utara hai
Ye to saaf zahir hai hum isi ke bande hain
Koi us se ja poochhe woh bhi kya hamara hai
Jo na dekh sakta ho chaak-damani meri
Chaak-parda-e-isyan kab use gawara hai
Hum se poochhiye sahib intizar ki ghadiyan
Hum ne raat kati hai hum ne din guzara hai
Ek taraf tamannayein ek taraf khushi un ki
Haye kis duraha-e-par kashmakash ne mara hai
Be-hunari sahi lekin be-wafa nahin Kamil
Ye tumhara banda hai aur faqat tumhara hai
شاعر کے بارے میں
کامل شطاری اردو کے معروف صوفی شاعر، نعت گو اور غزل نگار تھے جن کا اصل نام شیخین احمد حسینی تھا۔ وہ 1905ء میں حیدرآباد دکن کے تاریخی علاقے دبیرپورہ ...
مکمل تعارف پڑھیں