تم اپنے کو خود اپنے ہی جلووں میں چھپا کے — کامل شطاری
شاعر
تم اپنے کو خود اپنے ہی جلووں میں چھپا کے
تم اپنے کو خود اپنے ہی جلووں میں چھپا کے
دیکھو نہ تماشہ مجھے دیوانہ بنا کے
محروم کرم ہو گئے کیوں ہوش میں آکے
بھوکے تھے ابھی ہم ترے دامن کی ہوا کے
تا نگۂ شوق کی خاطر ہو جو پردہ
فرمائے دیکھوں کسے پھر اس کو ہٹا کے
نا قابل ترمیم ہے دستور محبت
احکام بدلتے نہیں قانون وفا کے
کھلنا ہے پس پرسہ حقیقت کو بھی اک دن
کھیلو گے کہاں تک مجھے افسانہ بنا کے
مجنوں ہی کے جلووں کا تماشہ نظر آیا
دیکھا جو نقاب رخ لیلا کو ہٹا کے
کم ظرف نہیں ہوں کہ بہک جاؤں نظر سے
اک تجربہ کر لیجئے یہ مے بھی پلا کے
ہر چند ہے داغوں سے گلستاں مرا سینہ
تم پھر بھی تو معصوم ہو گل اتنے کھلا کے
ہیں میری نگاہوں پہ ہزاروں کی نگاہیں
دیکھوں تمہیں کس کس کی نگاہوں سے بچا کے
ہر چیز مشیت کا نشانہ ہیں وہ کاملؔ
سختی سے جو پابند ہیں آداب وفا کے
کامل شطاری
Tum apne ko khud apne hi jalwon mein chhupa ke
Tum apne ko khud apne hi jalwon mein chhupa ke
Dekho na tamasha mujhe diwana bana ke
Mahroom-e-karam ho gaye kyun hosh mein aa ke
Bhooke the abhi hum tere daman ki hawa ke
Ta nigah-e-shauq ki khatir ho jo parda
Farmaye dekhoon kise phir us ko hata ke
Na-qabil-e-tarmim hai dastoor-e-mohabbat
Ahkam badalte nahin qanoon-e-wafa ke
Khulna hai pas parda haqiqat ko bhi ek din
Khelo ge kahan tak mujhe afsana bana ke
Majnoon hi ke jalwon ka tamasha nazar aaya
Dekha jo naqab-e-rukh Laila ko hata ke
Kam-zarf nahin hoon ke behak jaaun nazar se
Ek tajurba kar lijiye ye mai bhi pila ke
Har chand hai daghon se gulistan mera seena
Tum phir bhi to masoom ho gul itne khila ke
Hain meri nigahon pe hazaron ki nigahen
Dekhoon tumhein kis kis ki nigahon se bacha ke
Har cheez mashiyat ka nishana hain woh Kamil
Sakhti se jo paband hain adab-e-wafa ke
شاعر کے بارے میں
کامل شطاری اردو کے معروف صوفی شاعر، نعت گو اور غزل نگار تھے جن کا اصل نام شیخین احمد حسینی تھا۔ وہ 1905ء میں حیدرآباد دکن کے تاریخی علاقے دبیرپورہ ...
مکمل تعارف پڑھیں