تم ہی تو وجہ زندگی تم ہی تو مقصد حیات — کامل شطاری
شاعر
تم ہی تو وجہ زندگی تم ہی تو مقصد حیات
تم ہی تو وجہ زندگی تم ہی تو مقصد حیات
جان جہان آرزو روح روان کائنات
بھول بھی جائیے کہیں ساری اضافتوں کی بات
وہم دوئی بھی کفر ہے ایک وجود ایک ذات
پرتو حسن یار ہوں ذات جہاں صفت وہاں
جانے کہاں کہاں مجھے ڈھونڈھ رہی ہے کائنات
کیا کہوں کتنی شوخ تھی ان کی ادائے جلوہ بھی
ایک جھلک میں اڑ گیا رنگ رخ تعینات
ہائے وہ زلف عنبریں اور وہ چشم سرمگیں
میں تک اس کی یاد میں جھوم رہی ہے کائنات
ناز و غرور حسن ادھر اور سر نیاز ادھر
کاش ملے نصیب سے پھر کوئی ایسی ایک رت
عشق میں جان و دل ہی کیا دین گیا دھرم گیا
ایک نگاہ ناز میں لٹ گئی ساری کائنات
کس کے لئے جہاں میں اتنا سب اہتمام ہے
کس کی طرف مشیر ہیں سارے مظاہر صفات
کاملؔ خستہ حال پر تم نے جو مسکرا دیا
اک دل مستمند کو بندھ گئیں کچھ توقعات
کامل شطاری
Tum hi toh wajah-e-zindagi tum hi toh maqsad-e-hayat
Tum hi toh wajah-e-zindagi tum hi toh maqsad-e-hayat
Jaan-e-jahaan, aarzoo, rooh-e-rawaan-e-kainat
Bhool bhi jaaiye kahin saari izafaton ki baat
Wehm-e-do'i bhi kufr hai ek wujood ek zaat
Partau-e-husn-e-yaar hoon zaat jahan sifat wahan
Jaane kahan kahan mujhe dhoondh rahi hai kainat
Kya kahoon kitni shokh thi un ki ada-e-jalwa bhi
Ek jhalak mein ud gaya rang-e-rukh-e-tayyunat
Haaye woh zulf-e-anbareen aur woh chashm-e-surmagin
Main tak us ki yaad mein jhoom rahi hai kainat
Naaz-o-ghuroor-e-husn idhar aur sar-e-niyaz udhar
Kaash mile naseeb se phir koi aisi ek rut
Ishq mein jaan-o-dil hi kya deen gaya dharm gaya
Ek nigah-e-naaz mein lut gayi saari kainat
Kis ke liye jahan mein itna sab ehtemaam hai
Kis ki taraf musheer hain saare mazahir-e-sifat
Kamil khasta haal par tum ne jo muskura diya
Ek dil-e-mustmand ko bandh gayin kuch tawaqqu'aat
شاعر کے بارے میں
کامل شطاری اردو کے معروف صوفی شاعر، نعت گو اور غزل نگار تھے جن کا اصل نام شیخین احمد حسینی تھا۔ وہ 1905ء میں حیدرآباد دکن کے تاریخی علاقے دبیرپورہ ...
مکمل تعارف پڑھیں