ابھی موسم نہیں بدلا — کشور ناہید
شاعر
ابھی موسم نہیں بدلا
ابھی موسم نہیں بدلا
ابھی شادابیوں نے صبح کا آنگن نہیں دیکھا
ابھی دیوارودر سے خوف کے سائے نہیں سمٹے
ابھی حیلہ فروشی مکتبِ خواہش میں ٹھہری ہے
ابھی بھولی نہیں وہ داستاں جو ہم پہ گزری ہے
ابھی موسم نہیں بدلا
زباں بندی کے صحرا سے نکل تو آئے ہو لیکن
سخن کے شعلئہِ تائید کو ارزاں نہیں کرتے
نئے موسم کو حرفِ شوق کا عنوان نہیں کرتے
وہ موسم
جس میں تازہ کونپلیں ڈر کے نکلتی ہیں
ہر اک گھر اور ہر دہلیز پر پہرہ خزاں کا تھا
دعا کے بادباں پہ نام بھی نامِ گماں کا تھا
وہ موسم جس میں عفریتِ ہزیمت راج کرتا تھا
وہ کیا آسیب تھا جو اپنی گلیوں سے گزرتا تھا
کہ اب دیوار و در سے خوف کے سائے سمیٹے جائیں
کہ اب شادابیاں ٹھہریں
کہ اب موسم بدل جائے
Abhi mausam nahin badla
Abhi mausam nahin badla
Abhi shadabiyon ne subh ka aangan nahin dekha
Abhi deewar-o-dar se khauf ke saaye nahin simte
Abhi heelah-faroshi maktab-e-khwahish mein thehri hai
Abhi bhooli nahin woh dastaan jo hum pe guzri hai
Abhi mausam nahin badla
Zaban-bandi ke sehra se nikal to aaye ho lekin
Sukhan ke shola-e-taaeed ko arzan nahin karte
Naye mausam ko harf-e-shauq ka unwan nahin karte
Woh mausam
Jis mein taza konpalein dar ke nikalti hain
Har ik ghar aur har dehleez par pehra khizan ka tha
Dua ke baadban pe naam bhi naam-e-guman ka tha
Woh mausam jis mein ifreet-e-hazimat raaj karta tha
Woh kya aaseb tha jo apni galiyon se guzarta tha
Ke ab deewar-o-dar se khauf ke saaye samete jaaein
Ke ab shadabiyan thehrein
Ke ab mausam badal jaaye
شاعر کے بارے میں
کشور ناہید اردو ادب کی اُن توانا اور باوقار آوازوں میں شمار ہوتی ہیں جنہوں نے شاعری کو محض جمالیاتی اظہار نہیں بلکہ سماجی شعور، مزاحمت اور نسائی خو...
مکمل تعارف پڑھیں