خواب میں آئے مجھے مجھ سے ملائے — کشور ناہید
شاعر
خواب میں آئے مجھے مجھ سے ملائے
خواب میں آئے مجھے مجھ سے ملائے
مجھے سیرابئ دیدار سے گلزار کرے
خواب وہ خواب کہ ہو جس تمازت کا فسوں زاد
خواب وہ خواب کہ بن جائے شکست بے داد
کتھئی رنگ گھلے سرمئی شام میں ایسے کہ شفق
خون کی آنچوں سے دہک کر پھیلے
آتے جاتے ہوئے لوگوں کی تگ و تاز بھی
اندیشوں سے انجان لگے
جاگے خدشے بھی خد و خال تمنا سے ہوں مبہوت
ہر اک عزلت جاں شوق کی شمشیر لیے
پھیل کے ساحل پایاب کو غارت کر دے
مرقد حیلۂ بے سود مٹے
کچھ اگر ہے تو ملے
کوئی گر ہے تو چلا آئے مجھے مجھ سے ملائے
مجھے سیرابئ دیدار سے گلزار کرے
Khwab mein aaye mujhe mujh se milaye
Khwab mein aaye mujhe mujh se milaye
Mujhe serabi-e-deedar se gulzaar kare
Khwab woh khwab ke ho jis tamazat ka fasoon zaad
Khwab woh khwab ke ban jaye shikast-e-bedaad
Kathaii rang ghule surmai shaam mein aise ke shafaq
Khoon ki aanchon se dehak kar phaile
Aate jaate hue logon ki tag-o-taaz bhi
Andeshon se anjaan lage
Jaage khadshe bhi khad-o-khal-e-tamanna se hon mabhoot
Har ek uzlat-e-jaan shauq ki shamshir liye
Phail ke sahil-e-payaab ko gharat kar de
Marqad-e-heela-e-be-sood mite
Kuch agar hai to mile
Koi gar hai to chala aaye mujhe mujh se milaye
Mujhe serabi-e-deedar se gulzaar kare
شاعر کے بارے میں
کشور ناہید اردو ادب کی اُن توانا اور باوقار آوازوں میں شمار ہوتی ہیں جنہوں نے شاعری کو محض جمالیاتی اظہار نہیں بلکہ سماجی شعور، مزاحمت اور نسائی خو...
مکمل تعارف پڑھیں