دیوار و در میں غم کا تماشہ تو ہے ابھی — کشور ناہید
شاعر
دیوار و در میں غم کا تماشہ تو ہے ابھی
دیوار و در میں غم کا تماشہ تو ہے ابھی
وہ خود نہیں پہ اس کا بلاوا تو ہے ابھی
مانوس ہو چلی ہے اداسی سے زندگی
پاؤں کے آبلوں کا نظارا تو ہے ابھی
سچ ہے کہ زہر عشق تلطف گریز تھا
چنگاریوں نے ورنہ پکارا تو ہے ابھی
خوابوں کو در بدر ہی رکھا تھا نصیب نے
آشفتگی میں جاں کا خسارہ تو ہے ابھی
معلوم ہے کہ کچھ بھی نہیں دشت زیست میں
امید خواب ہی پہ گزارا تو ہے ابھی
رخصت شب فراق بہت سہہ لیا تجھے
ہم راز گرچہ خواب ستارا تو ہے ابھی
بے تابیاں سمیٹ کے پوچھا کرے ہے دل
قسمت میں اپنی صبح کا تارا تو ہے ابھی
Deewar-o-dar mein gham ka tamasha to hai abhi
Deewar-o-dar mein gham ka tamasha to hai abhi
Woh khud nahin pe uska bulawa to hai abhi
Maanoos ho chali hai udaasi se zindagi
Paaon ke aablon ka nazara to hai abhi
Sach hai ke zehr-e-ishq talattuf gurez tha
Chingaariyon ne warna pukara to hai abhi
Khwabon ko dar ba dar hi rakha tha naseeb ne
Aashuftagi mein jaan ka khasara to hai abhi
Maloom hai ke kuch bhi nahin dasht-e-zeest mein
Umeed-e-khwab hi pe guzara to hai abhi
Rukhsat shab-e-firaq bahut sah liya tujhe
Humraaz garche khwab sitara to hai abhi
Betaabiyan samet ke poochha kare hai dil
Qismat mein apni subah ka taara to hai abhi
شاعر کے بارے میں
کشور ناہید اردو ادب کی اُن توانا اور باوقار آوازوں میں شمار ہوتی ہیں جنہوں نے شاعری کو محض جمالیاتی اظہار نہیں بلکہ سماجی شعور، مزاحمت اور نسائی خو...
مکمل تعارف پڑھیں