ایک نظم اجازتوں کے لیے — کشور ناہید
شاعر
ایک نظم اجازتوں کے لیے
تم مجھے پہن سکتے ہو
کہ میں نے اپنے آپ کو
دھلے ہوئے کپڑے کی طرح
کئی دفعہ نچوڑا ہے
کئی دفعہ سکھایا ہے
تم مجھے چبا سکتے ہو
کہ میں چوسنے والی گولی کی طرح
اپنی مٹھاس کی تہہ گھلا چکی ہوں
تم مجھے رلا سکتے ہو
کہ میں نے اپنے آپ کو قتل کر کے
اپنے خون کو پانی پانی کر کے
آنکھوں میں جھیل بنا لی ہے
تم مجھے بھون سکتے ہو
کہ میری بوٹی بوٹی
تڑپ تڑپ کر
زندگی کی ہر سانس کو
الوداع کہہ چکی ہے
تم مجھے مسل سکتے ہو
کہ روٹی سوکھنے سے پہلے
خستہ ہو کر بھربھری ہو جاتی ہے
تم مجھے تعویذ کی طرح
گھول کر پی جاؤ
تو میں کلیساؤں میں بجتی گھنٹیوں میں
اسی طرح طلوع ہوتی رہوں گی
جیسے گل آفتاب
Ek nazm ijazaton ke liye
Tum mujhe pehan sakte ho
Ke main ne apne aap ko
Dhule hue kapde ki tarah
Kayee dafa nichoda hai
Kayee dafa sukhaya hai
Tum mujhe chaba sakte ho
Ke main choosne wali goli ki tarah
Apni mithaas ki teh ghula chuki hoon
Tum mujhe rula sakte ho
Ke main ne apne aap ko qatl kar ke
Apne khoon ko pani pani kar ke
Aankhon mein jheel bana li hai
Tum mujhe bhun sakte ho
Ke meri booti booti
Tadap tadap kar
Zindagi ki har saans ko
Alvida keh chuki hai
Tum mujhe masal sakte ho
Ke roti sookhne se pehle
Khasta ho kar bharbhari ho jaati hai
Tum mujhe taweez ki tarah
Ghol kar pee jao
To main kalisaon mein bajti ghantiyon mein
Isi tarah tulu hoti rahoongi
Jaise gul-e-aaftab
شاعر کے بارے میں
کشور ناہید اردو ادب کی اُن توانا اور باوقار آوازوں میں شمار ہوتی ہیں جنہوں نے شاعری کو محض جمالیاتی اظہار نہیں بلکہ سماجی شعور، مزاحمت اور نسائی خو...
مکمل تعارف پڑھیں