حسرت ہے تجھے سامنے بیٹھے کبھی دیکھوں — کشور ناہید
شاعر
حسرت ہے تجھے سامنے بیٹھے کبھی دیکھوں
حسرت ہے تجھے سامنے بیٹھے کبھی دیکھوں
میں تجھ سے مخاطب ہوں ترا حال بھی پوچھوں
دل میں ہے ملاقات کی خواہش کی دبی آگ
مہندی لگے ہاتھوں کو چھپا کر کہاں رکھوں
جس نام سے تو نے مجھے بچپن سے پکارا
اک عمر گزرنے پہ بھی وہ نام نہ بھولوں
تو اشک ہی بن کے مری آنکھوں میں سما جا
میں آئینہ دیکھوں تو ترا عکس بھی دیکھوں
پوچھوں کبھی غنچوں سے ستاروں سے ہوا سے
تجھ سے ہی مگر آ کے ترا نام نہ پوچھوں
جو شخص کہ ہے خواب میں آنے سے بھی خائف
آئینۂ دل میں اسے موجود ہی دیکھوں
اے میری تمنا کے ستارے تو کہاں ہے
تو آئے تو یہ جسم شب غم کو نہ سونپوں
Hasrat hai tujhe saamne baithe kabhi dekhun
Hasrat hai tujhe saamne baithe kabhi dekhun
Main tujh se mukhatib hoon, tera haal bhi poochun
Dil mein hai mulaqat ki khwahish ki dabi aag
Mehndi lage haathon ko chhupa kar kahan rakhun
Jis naam se tu ne mujhe bachpan se pukara
Ik umr guzarne pe bhi woh naam na bhoolun
Tu ashk hi ban ke miri aankhon mein sama jaa
Main aaina dekhun to tera aks bhi dekhun
Poochun kabhi ghunchon se, sitaron se, hawa se
Tujh se hi magar aa ke tera naam na poochun
Jo shakhs ke hai khwab mein aane se bhi khaif
Aaina-e-dil mein use maujood hi dekhun
Aye meri tamanna ke sitare tu kahan hai
Tu aaye to yeh jism shab-e-gham ko na saunpun
شاعر کے بارے میں
کشور ناہید اردو ادب کی اُن توانا اور باوقار آوازوں میں شمار ہوتی ہیں جنہوں نے شاعری کو محض جمالیاتی اظہار نہیں بلکہ سماجی شعور، مزاحمت اور نسائی خو...
مکمل تعارف پڑھیں