حوصلہ شرط وفا کیا کرنا — کشور ناہید
شاعر
حوصلہ شرط وفا کیا کرنا
حوصلہ شرط وفا کیا کرنا
بند مٹھی میں ہوا کیا کرنا
جب کوئی سنتا نہ ہو بولنا کیا
قبر میں شور بپا کیا کرنا
قہر ہے لطف کی صورت آباد
اپنی آنکھوں کو بھی وا کیا کرنا
درد ٹھہرے گا وفا کی منزل
عکس شیشے سے جدا کیا کرنا
دل کے زنداں میں ہے آرام بہت
وسعت دشت نما کیا کرنا
شمع کشتہ کی طرح جی لیجے
دم گھٹے بھی تو گلہ کیا کرنا
میرے پیچھے مرا سایہ ہوگا
پیچھے مڑ کر بھی بھلا کیا کرنا
کچھ کرو یوں کہ زمانہ دیکھے
شور گلیوں میں سدا کیا کرنا
Hausla shart-e-wafa kya karna
Hausla shart-e-wafa kya karna
Band mutthi mein hawa kya karna
Jab koi sunta na ho bolna kya
Qabr mein shor bapa kya karna
Qahr hai lutf ki surat aabaad
Apni aankhon ko bhi wa kya karna
Dard thehre ga wafa ki manzil
Aks sheeshe se juda kya karna
Dil ke zindan mein hai aaram bahut
Wusat-e-dasht numa kya karna
Shama-e-kushta ki tarah ji leeje
Dam ghute bhi to gila kya karna
Mere peeche mira saya hoga
Peeche mud kar bhi bhala kya karna
Kuch karo yun ke zamana dekhe
Shor galiyon mein sada kya karna
شاعر کے بارے میں
کشور ناہید اردو ادب کی اُن توانا اور باوقار آوازوں میں شمار ہوتی ہیں جنہوں نے شاعری کو محض جمالیاتی اظہار نہیں بلکہ سماجی شعور، مزاحمت اور نسائی خو...
مکمل تعارف پڑھیں