ہم گنہ گار عورتیں ہیں — کشور ناہید
شاعر
ہم گنہ گار عورتیں ہیں
یہ ہم گنہ گار عورتیں ہیں
جو اہل جبہ کی تمکنت سے نہ رعب کھائیں
نہ جان بیچیں
نہ سر جھکائیں
نہ ہاتھ جوڑیں
یہ ہم گنہ گار عورتیں ہیں
کہ جن کے جسموں کی فصل بیچیں جو لوگ
وہ سرفراز ٹھہریں
نیابت امتیاز ٹھہریں
وہ داور اہل ساز ٹھہریں
یہ ہم گنہ گار عورتیں ہیں
کہ سچ کا پرچم اٹھا کے نکلیں
تو جھوٹ سے شاہراہیں اٹی ملے ہیں
ہر ایک دہلیز پہ سزاؤں کی داستانیں رکھی ملے ہیں
جو بول سکتی تھیں وہ زبانیں کٹی ملے ہیں
یہ ہم گنہ گار عورتیں ہیں
کہ اب تعاقب میں رات بھی آئے
تو یہ آنکھیں نہیں بجھیں گی
کہ اب جو دیوار گر چکی ہے
اسے اٹھانے کی ضد نہ کرنا!
یہ ہم گنہ گار عورتیں ہیں
جو اہل جبہ کی تمکنت سے نہ رعب کھائیں
نہ جان بیچیں
نہ سر جھکائیں نہ ہاتھ جوڑیں!
Hum gunah-gar auraten hain
Yeh hum gunah-gar auraten hain
Jo ahl-e-jabha ki tamkanat se na ra'ub khaen
Na jaan bechen
Na sar jhukaen
Na haath joden
Yeh hum gunah-gar auraten hain
Ke jin ke jismon ki fasal bechen jo log
Woh sarfaraz thahren
Niyabat-e-Imtiaz thahren
Woh daavar ahl-e-saaz thahren
Yeh hum gunah-gar auraten hain
Ke sach ka parcham utha ke niklen
To jhoot se shahrahen atti mile hain
Har ek dehleez pe sazayen ki dastanen rakhi mile hain
Jo bol sakti theen woh zubanen kati mile hain
Yeh hum gunah-gar auraten hain
Ke ab ta'aqub mein raat bhi aaye
To yeh aankhen nahin bujhen gi
Ke ab jo deewar gir chuki hai
Use uthane ki zid na karna!
Yeh hum gunah-gar auraten hain
Jo ahl-e-jabha ki tamkanat se na ra'ub khaen
Na jaan bechen
Na sar jhukaen na haath joden!
شاعر کے بارے میں
کشور ناہید اردو ادب کی اُن توانا اور باوقار آوازوں میں شمار ہوتی ہیں جنہوں نے شاعری کو محض جمالیاتی اظہار نہیں بلکہ سماجی شعور، مزاحمت اور نسائی خو...
مکمل تعارف پڑھیں