تجھ سے وعدہ عزیز تر رکھا — کشور ناہید
شاعر
تجھ سے وعدہ عزیز تر رکھا
تجھ سے وعدہ عزیز تر رکھا
وحشتوں کو بھی اپنے گھر رکھا
اپنی بے چہرگی چھپانے کو
آئنے کو ادھر ادھر رکھا
اک ترا غم ہی اپنی دولت تھی
دل میں پوشیدہ بے خطر رکھا
آرزو نے کمال پہچانا
اور تعلق کو طاق پر رکھا
اس قدر تھا اداس موسم گل
ہم نے آب رواں پہ سر رکھا
اپنی وارفتگی چھپانے کو
شوق نے ہم کو در بہ در رکھا
کلمۂ شکر کہ محبت نے
ہم کو تمہید خواب پر رکھا
ان کو سمجھانے اپنا حرف سخن
آنسوؤں کو پیام پر رکھا
Tujh se waada azeez-tar rakha
Tujh se waada azeez-tar rakha
Wahshaton ko bhi apne ghar rakha
Apni be-chehragi chhupane ko
Aaine ko idhar udhar rakha
Ik tera gham hi apni daulat thi
Dil mein poshida be-khatar rakha
Arzoo ne kamaal pehchana
Aur taalluq ko taaq par rakha
Is qadar tha udas mausam-e-gul
Hum ne aab-e-rawan pe sar rakha
Apni warfatgi chhupane ko
Shauq ne hum ko dar-ba-dar rakha
Kalma-e-shukr ke mohabbat ne
Hum ko tamheed-e-khwab par rakha
In ko samjhane apna harf-e-sukhan
Aansuon ko payam par rakha
شاعر کے بارے میں
کشور ناہید اردو ادب کی اُن توانا اور باوقار آوازوں میں شمار ہوتی ہیں جنہوں نے شاعری کو محض جمالیاتی اظہار نہیں بلکہ سماجی شعور، مزاحمت اور نسائی خو...
مکمل تعارف پڑھیں