وہ اجنبی تھا غیر تھا کس نے کہا نہ تھا — کشور ناہید
شاعر
وہ اجنبی تھا غیر تھا کس نے کہا نہ تھا
وہ اجنبی تھا غیر تھا کس نے کہا نہ تھا
دل کو مگر یقین کسی پر ہوا نہ تھا
ہم کو تو احتیاط غم دل عزیز تھی
کچھ اس لیے بھی کم نگہی کا گلا نہ تھا
دست خیال یار سے پھوٹے شفق کے رنگ
نقش قدم بھی رنگ حنا کے سوا نہ تھا
ڈھونڈا اسے بہت کہ بلایا تھا جس نے پاس
جلوہ مگر کہیں بھی صدا کے سوا نہ تھا
کچھ اس قدر تھی گرمئ بازار آرزو
دل جو خریدتا تھا اسے دیکھتا نہ تھا
کیسے کریں گے ذکر حبیب جفا پسند
جب نام دوستوں میں بھی لینا روا نہ تھا
کچھ یوں ہی زرد زرد سی ناہیدؔ آج تھی
کچھ اوڑھنی کا رنگ بھی کھلتا ہوا نہ تھا
Woh ajnabi tha, ghair tha, kis ne kaha na tha
Woh ajnabi tha, ghair tha, kis ne kaha na tha
Dil ko magar yaqeen kisi par hua na tha
Hum ko to ehtiyat-e-gham-e-dil aziz thi
Kuch is liye bhi kam-nigahi ka gila na tha
Dast-e-khayal-e-yaar se phootay shafaq ke rang
Naqsh-e-qadam bhi rang-e-hina ke siwa na tha
Dhoonda usay bohat ke bulaya tha jis ne paas
Jalwa magar kahin bhi sada ke siwa na tha
Kuch is qadar thi garmi-e-bazaar-e-aarzoo
Dil jo khareedta tha usay dekhta na tha
Kaise karenge zikr-e-habeeb-e-jafaa pasand
Jab naam doston mein bhi lena rawa na tha
Kuch yun hi zard zard si Naheed aaj thi
Kuch odhani ka rang bhi khulta hua na tha
شاعر کے بارے میں
کشور ناہید اردو ادب کی اُن توانا اور باوقار آوازوں میں شمار ہوتی ہیں جنہوں نے شاعری کو محض جمالیاتی اظہار نہیں بلکہ سماجی شعور، مزاحمت اور نسائی خو...
مکمل تعارف پڑھیں