شہید عشق ہوئے قیس نامور کی طرح — میر انیس
شاعر
شہید عشق ہوئے قیس نامور کی طرح
شہید عشق ہوئے قیس نامور کی طرح
جہاں میں عیب بھی ہم نے کیے ہنر کی طرح
کچھ آج شام سے چہرہ ہے فق سحر کی طرح
ڈھلا ہی جاتا ہوں فرقت میں دوپہر کی طرح
سیاہ بختوں کو یوں باغ سے نکال اے چرخ
کہ چار پھول تو دامن میں ہوں سپر کی طرح
تمام خلق ہے خواہان آبرو اے رب
چھپا مجھے صدف قبر میں گہر کی طرح
تجھی کو دیکھوں گا جب تک ہیں برقرار آنکھیں
مری نظر نہ پھرے گی تری نظر کی طرح
ہماری قبر پہ کیا احتیاج عنبر و عود
سلگ رہا ہے ہر اک استخواں اگر کی طرح
نحیف و زار ہیں کیا زور باغباں سے چلے
جہاں بٹھا دیا بس رہ گئے شجر کی طرح
تمہارے حلقہ بہ گوشوں میں ایک ہم بھی ہیں
پڑا رہے یہ سخن کان میں گہر کی طرح
انیسؔ یوں ہوا حال جوانی و پیری
بڑھے تھے نخل کی صورت گرے ثمر کی طرح
Shahīd-e-ishq hue Qais-e-nāmdār kī tarah
Shahīd-e-ishq hue Qais-e-nāmdār kī tarah
Jahāñ meñ aib bhī hum ne kiye hunar kī tarah
Kuchh āj shām se chehra hai faq sahar kī tarah
Ḍhalā hī jātā hūñ furqat meñ dopahar kī tarah
Siyāh-bakhtoñ ko yūñ bāgh se nikāl ai charkh
Ke chār phūl to dāman meñ hoñ sipar kī tarah
Tamām khalq hai khwāhān-e-ābrū ai Rab
Chhipā mujhe sadaf-e-qabr meñ gauhar kī tarah
Tujhī ko dekhūñgā jab tak haiñ barqarār āñkheñ
Merī nazar na phiregī terī nazar kī tarah
Hamārī qabr pe kyā ihtiyāj-e-'anbar o 'ūd
Sulag rahā hai har ek istikhwāñ agar kī tarah
Nahīf o zār haiñ kyā zor bāghbāñ se chale
Jahāñ biṭhā diyā bas rah ga'e shajar kī tarah
Tumhāre halqa ba-goshoñ meñ ek hum bhī haiñ
Paṛā rahe yeh sukhan kān meñ gauhar kī tarah
Anīs yūñ huā hāl-e-javānī o pīrī
Baṛhe the nakhl kī sūrat gire samar kī tarah
شاعر کے بارے میں
میر ببر علی انیس (1802ء–1874ء) اردو مرثیے کے عظیم ترین شاعر، دبستانِ لکھنؤ کے درخشاں ستارے اور اردو ایپک شاعری کی بلند ترین آواز تھے۔ آپ کا تعلق ...
مکمل تعارف پڑھیں