آوے گی میری قبر سے آواز میرے بعد — میر تقی میر
شاعر
آوے گی میری قبر سے آواز میرے بعد
آوے گی میری قبر سے آواز میرے بعد
ابھریں گے عشق دل سے ترے راز میرے بعد
جینا مرا تو تجھ کو غنیمت ہے نا سمجھ
کھینچے گا کون پھر یہ ترے ناز میرے بعد
شمع مزار اور یہ سوز جگر مرا
ہر شب کریں گے زندگی ناساز میرے بعد
حسرت ہے اس کے دیکھنے کی دل میں بے قیاس
اغلب کہ میری آنکھیں رہیں باز میرے بعد
کرتا ہوں میں جو نالے سرانجام باغ میں
منہ دیکھو پھر کریں گے ہم آواز میرے بعد
بن گل موا ہی میں تو پہ تو جا کے لوٹیو
صحن چمن میں اے پر پرواز میرے بعد
بیٹھا ہوں میرؔ مرنے کو اپنے میں مستعد
پیدا نہ ہوں گے مجھ سے بھی جانباز میرے بعد
Aavegi meri qabr se aawaz mere ba'd
Aavegi meri qabr se aawaz mere ba'd
Ubhrenge ishq-e-dil se tere raz mere ba'd
Jeena mera to tujh ko ghaneemat hai nasamajh
Khenche ga kaun phir yeh tere naaz mere ba'd
Shama'-e-mazar aur yeh soz-e-jigar mera
Har shab karenge zindagi-e-nasaaz mere ba'd
Hasrat hai us ke dekhne ki dil mein be-qiyas
Aghlab ke meri aankhen rahein baaz mere ba'd
Karta hoon main jo nale sar-anjam bagh mein
Munh dekho phir karenge ham aawaz mere ba'd
Bin gul mua hi main to pe tu ja ke lotiyo
Sahn-e-chaman mein ae par-e-parwaz mere ba'd
Baitha hoon Meer marne ko apne mein musta'id
Paida na honge mujh se bhi jaan-baz mere ba'd
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں