زخم جھیلے داغ بھی کھائے بہت — میر تقی میر
شاعر
زخم جھیلے داغ بھی کھائے بہت
زخم جھیلے داغ بھی کھائے بہت
دل لگا کر ہم تو پچھتائے بہت
جب نہ تب جاگہ سے تم جایا کیے
ہم تو اپنی اور سے آئے بہت
دیر سے سوئے حرم آیا نہ ٹک
ہم مزاج اپنا ادھر لائے بہت
پھول گل شمس و قمر سارے ہی تھے
پر ہمیں ان میں تمہیں بھائے بہت
گر بکا اس شور سے شب کو ہے تو
روویں گے سونے کو ہم سایے بہت
وہ جو نکلا صبح جیسے آفتاب
رشک سے گل پھول مرجھائے بہت
میرؔ سے پوچھا جو میں عاشق ہو تم
ہو کے کچھ چپکے سے شرمائے بہت
Zakhm jhele dagh bhi khaye bahut
Zakhm jhele dagh bhi khaye bahut
Dil laga kar ham to pachhtaye bahut
Jab na tab jagah se tum jaaya kiye
Ham to apni aur se aaye bahut
Der se sooye haram aaya na tuk
Ham mizaj apna udhar laye bahut
Phool gul shams-o-qamar sare hi the
Par hamein in mein tumhein bhaye bahut
Gar buka is shor se shab ko hai to
Roenge sone ko ham saye bahut
Woh jo nikla subah jaise aaftab
Rashk se gul phool murjhaye bahut
Meer se poochha jo main ashiq ho tum
Ho ke kuchh chupke se sharmaye bahut
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں