آئے ہیں میرؔ منہ کو بنائے خفا سے آج — میر تقی میر
شاعر
آئے ہیں میرؔ منہ کو بنائے خفا سے آج
آئے ہیں میرؔ منہ کو بنائے خفا سے آج
شاید بگڑ گئی ہے کچھ اس بے وفا سے آج
واشد ہوئی نہ دل کو فقیروں کے بھی ملے
کھلتی نہیں گرہ یہ کسو کی دعا سے آج
جینے میں اختیار نہیں ورنہ ہم نشیں
ہم چاہتے ہیں موت تو اپنی خدا سے آج
ساقی ٹک ایک موسم گل کی طرف بھی دیکھ
ٹپکا پڑے ہے رنگ چمن میں ہوا سے آج
تھا جی میں اس سے ملیے تو کیا کیا نہ کہیے میرؔ
پر کچھ کہا گیا نہ غم دل حیا سے آج
Aaye hain Meer munh ko banaye khafa se aaj
Aaye hain Meer munh ko banaye khafa se aaj
Shayad bigad gayi hai kuchh us bewafa se aaj
Waashad hui na dil ko faqiron ke bhi mile
Khulti nahin girah yeh kiso ki dua se aaj
Jeene mein ikhtiyar nahin warna ham-nasheen
Ham chahte hain maut to apni Khuda se aaj
Saqi tuk ek mausam-e-gul ki taraf bhi dekh
Tapka pade hai rang-e-chaman mein hawa se aaj
Tha ji mein us se miliye to kya kya na kahiye Meer
Par kuchh kaha gaya na gham-e-dil haya se aaj
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں