ہستی اپنی حباب کی سی ہے — میر تقی میر
شاعر
ہستی اپنی حباب کی سی ہے
ہستی اپنی حباب کی سی ہے
یہ نمائش سراب کی سی ہے
نازکی اس کے لب کی کیا کہیے
پنکھڑی اک گلاب کی سی ہے
چشم دل کھول اس بھی عالم پر
یاں کی اوقات خواب کی سی ہے
بار بار اس کے در پہ جاتا ہوں
حالت اب اضطراب کی سی ہے
نقطۂ خال سے ترا ابرو
بیت اک انتخاب کی سی ہے
میں جو بولا کہا کہ یہ آواز
اسی خانہ خراب کی سی ہے
آتش غم میں دل بھنا شاید
دیر سے بو کباب کی سی ہے
دیکھیے ابر کی طرح اب کے
میری چشم پر آب کی سی ہے
میرؔ ان نیم باز آنکھوں میں
ساری مستی شراب کی سی ہے
Hastī apnī habāb kī sī hai
Hastī apnī habāb kī sī hai
Yeh numā'ish sarāb kī sī hai
Nāzukī us ke lab kī kyā kahiye
Pankhaṛī ek gulāb kī sī hai
Chashm-e-dil khol is bhī 'ālam par
Yāñ kī auqāt khwāb kī sī hai
Bār bār us ke dar pe jātā hūñ
Hālat ab iztirāb kī sī hai
Nuqta-e-khāl se terā abrū
Bait ek intikhāb kī sī hai
Maiñ jo bolā kahā ke yeh āvāz
Isī khāna-kharāb kī sī hai
Ātish-e-gham meñ dil bhunā shāyad
Der se bū kabāb kī sī hai
Dekhiye abr kī tarah ab ke
Merī chashm pur-āb kī sī hai
Mīr in nīm-bāz āñkhoñ meñ
Sārī mastī sharāb kī sī hai
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں