جب نام ترا لیجیے تب چشم بھر آوے — میر تقی میر
شاعر
جب نام ترا لیجیے تب چشم بھر آوے
جب نام ترا لیجیے تب چشم بھر آوے
اس زندگی کرنے کو کہاں سے جگر آوے
تلوار کا بھی مارا خدا رکھے ہے ظالم
یہ تو ہو کوئی گور غریباں میں در آوے
مے خانہ وہ منظر ہے کہ ہر صبح جہاں شیخ
دیوار پہ خورشید کا مستی سے سر آوے
کیا جانیں وے مرغان گرفتار چمن کو
جن تک کہ بصد ناز نسیم سحر آوے
تو صبح قدم رنجہ کرے ٹک تو ہے ورنہ
کس واسطے عاشق کی شب غم بسر آوے
ہر سو سر تسلیم رکھے صید حرم ہیں
وہ صید فگن تیغ بکف تا کدھر آوے
دیواروں سے سر مارتے پھرنے کا گیا وقت
اب تو ہی مگر آپ کبھو در سے در آوے
واعظ نہیں کیفیت مے خانہ سے آگاہ
یک جرعہ بدل ورنہ یہ مندیل دھر آوے
صناع ہیں سب خوار ازاں جملہ ہوں میں بھی
ہے عیب بڑا اس میں جسے کچھ ہنر آوے
اے وہ کہ تو بیٹھا ہے سر راہ پہ زنہار
کہیو جو کبھو میرؔ بلاکش ادھر آوے
مت دشت محبت میں قدم رکھ کہ خضر کو
ہر گام پہ اس رہ میں سفر سے حذر آوے
Jab nam tera lije tab chashm bhar aave
Jab nam tera lije tab chashm bhar aave
Is zindagi karne ko kahan se jigar aave
Talwar ka bhi mara Khuda rakhe hai zalim
Ye to ho koi gor-e-ghariban mein dar aave
May-khana woh manzar hai ke har subah jahan shaikh
Deewar pe khursheed ka masti se sar aave
Kya jaanen we murghan-e-giriftar-e-chaman ko
Jin tak ke ba-sad naaz naseem-e-sahar aave
Tu subah qadam-ranja kare tuk to hai warna
Kis vaste ashiq ki shab-e-gham basar aave
Har su sar-e-tasleem rakhe said-e-haram hain
Woh said-afgan tegh ba-kaf ta kidhar aave
Deewaron se sar marte phirne ka gaya waqt
Ab tu hi magar aap kabhu dar se dar aave
Waiz nahin kaifiyat-e-may-khana se aagah
Yak jur'a badal warna yeh mandeel dhar aave
San'aa hain sab khwar azan jumla hoon main bhi
Hai aib bada is mein jise kuchh hunar aave
Ae woh ke tu baitha hai sar-e-rah pe zinhar
Kahiyo jo kabhu Meer bilakash idhar aave
Mat dasht-e-mohabbat mein qadam rakh ke Khizr ko
Har gaam pe is rah mein safar se hazar aave
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں