جب رونے بیٹھتا ہوں تب کیا کسر رہے ہے — میر تقی میر
شاعر
جب رونے بیٹھتا ہوں تب کیا کسر رہے ہے
جب رونے بیٹھتا ہوں تب کیا کسر رہے ہے
رومال دو دو دن تک جوں ابر تر رہے ہے
آہ سحر کی میری برچھی کے وسوسے سے
خورشید کے منہ اوپر اکثر سپر رہے ہے
آگہ تو رہیے اس کی طرز رہ و روش سے
آنے میں اس کے لیکن کس کو خبر رہے ہے
ان روزوں اتنی غفلت اچھی نہیں ادھر سے
اب اضطراب ہم کو دو دو پہر رہے ہے
آب حیات کی سی ساری روش ہے اس کی
پر جب وہ اٹھ چلے ہے ایک آدھ مر رہے ہے
تلوار اب لگا ہے بے ڈول پاس رکھنے
خون آج کل کسو کا وہ شوخ کر رہے ہے
در سے کبھو جو آتے دیکھا ہے میں نے اس کو
تب سے ادھر ہی اکثر میری نظر رہے ہے
آخر کہاں تلک ہم اک روز ہو چکیں گے
برسوں سے وعدۂ شب ہر صبح پر رہے ہے
میرؔ اب بہار آئی صحرا میں چل جنوں کر
کوئی بھی فصل گل میں نادان گھر رہے ہے
Jab rone baithta hoon tab kya kasar rahe hai
Jab rone baithta hoon tab kya kasar rahe hai
Rumaal do do din tak jun abr-e-tar rahe hai
Aah-e-sahar ki meri barchhi ke waswase se
Khursheed ke munh upar aksar sipar rahe hai
Aagah to rahiye us ki tarz-e-rah-o-rawish se
Aane mein us ke lekin kis ko khabar rahe hai
In rozon itni ghaflat achhi nahin udhar se
Ab iztirab ham ko do do pahar rahe hai
Aab-e-hayat ki si sari rawish hai us ki
Par jab woh uth chale hai ek aadh mar rahe hai
Talwar ab laga hai be-dol paas rakhne
Khoon aaj kal kiso ka woh shokh kar rahe hai
Dar se kabhu jo aate dekha hai main ne us ko
Tab se udhar hi aksar meri nazar rahe hai
Aakhir kahan talak ham ek roz ho chukenge
Barson se wa'da-e-shab har subah par rahe hai
Meer ab bahar aayi sahra mein chal junoon kar
Koi bhi fasl-e-gul mein nadan ghar rahe hai
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں