کیا حقیقت کہوں کہ کیا ہے عشق — میر تقی میر
شاعر
کیا حقیقت کہوں کہ کیا ہے عشق
کیا حقیقت کہوں کہ کیا ہے عشق
حق شناسوں کے ہاں خدا ہے عشق
دل لگا ہو تو جی جہاں سے اٹھا
موت کا نام پیار کا ہے عشق
اور تدبیر کو نہیں کچھ دخل
عشق کے درد کی دوا ہے عشق
کیا ڈبایا محیط میں غم کے
ہم نے جانا تھا آشنا ہے عشق
عشق سے جا نہیں کوئی خالی
دل سے لے عرش تک بھرا ہے عشق
کوہ کن کیا پہاڑ کاٹے گا
پردے میں زور آزما ہے عشق
عشق ہے عشق کرنے والوں کو
کیسا کیسا بہم کیا ہے عشق
کون مقصد کو عشق بن پہنچا
آرزو عشق مدعا ہے عشق
میرؔ مرنا پڑے ہے خوباں پر
عشق مت کر کہ بد بلا ہے عشق
Kya haqeeqat kahun ke kya hai ishq
Kya haqeeqat kahun ke kya hai ishq
Haq-shanaso ke han Khuda hai ishq
Dil laga ho to ji jahan se utha
Maut ka naam pyar ka hai ishq
Aur tadbeer ko nahin kuchh dakhl
Ishq ke dard ki dawa hai ishq
Kya dubaya muheet mein gham ke
Ham ne jaana tha aashna hai ishq
Ishq se ja nahin koi khali
Dil se le arsh tak bhara hai ishq
Koh-kan kya pahad kaate ga
Parde mein zor-azma hai ishq
Ishq hai ishq karne walon ko
Kaisa kaisa baham kiya hai ishq
Kaun maqsad ko ishq bin pahuncha
Arzoo ishq mudda'a hai ishq
Meer marna pade hai khuban par
Ishq mat kar ke bad bala hai ishq
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں