کیا کہوں تم سے میں کہ کیا ہے عشق — میر تقی میر
شاعر
کیا کہوں تم سے میں کہ کیا ہے عشق
کیا کہوں تم سے میں کہ کیا ہے عشق
جان کا روگ ہے بلا ہے عشق
عشق ہی عشق ہے جہاں دیکھو
سارے عالم میں بھر رہا ہے عشق
عشق ہے طرز و طور عشق کے تئیں
کہیں بندہ کہیں خدا ہے عشق
عشق معشوق عشق عاشق ہے
یعنی اپنا ہی مبتلا ہے عشق
گر پرستش خدا کی ثابت کی
کسو صورت میں ہو بھلا ہے عشق
دل کش ایسا کہاں ہے دشمن جاں
مدعی ہے پہ مدعا ہے عشق
ہے ہمارے بھی طور کا عاشق
جس کسی کو کہیں ہوا ہے عشق
کوئی خواہاں نہیں محبت کا
تو کہے جنس ناروا ہے عشق
میرؔ جی زرد ہوتے جاتے ہو
کیا کہیں تم نے بھی کیا ہے عشق
Kya kahoon tum se main ke kya hai ishq
Kya kahoon tum se main ke kya hai ishq
Jaan ka rog hai bala hai ishq
Ishq hi ishq hai jahan dekho
Sare alam mein bhar raha hai ishq
Ishq hai tarz-o-taur ishq ke ta.een
Kahin banda kahin Khuda hai ishq
Ishq ma'shuq ishq ashiq hai
Ya'ni apna hi mubtala hai ishq
Gar parastish Khuda ki sabit ki
Kiso surat mein ho bhala hai ishq
Dilkash aisa kahan hai dushman-e-jaan
Mudda'i hai pe mudda'a hai ishq
Hai hamare bhi taur ka ashiq
Jis kisi ko kahin hua hai ishq
Koi khwahan nahin mohabbat ka
To kahe jins-e-narawa hai ishq
Meer ji zard hote jaate ho
Kya kahin tum ne bhi kiya hai ishq
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں