پتا پتا بوٹا بوٹا حال ہمارا جانے ہے — میر تقی میر
شاعر
پتا پتا بوٹا بوٹا حال ہمارا جانے ہے
پتا پتا بوٹا بوٹا حال ہمارا جانے ہے
جانے نہ جانے گل ہی نہ جانے باغ تو سارا جانے ہے
لگنے نہ دے بس ہو تو اس کے گوہر گوش کو بالے تک
اس کو فلک چشم مہ و خور کی پتلی کا تارا جانے ہے
آگے اس متکبر کے ہم خدا خدا کیا کرتے ہیں
کب موجود خدا کو وہ مغرور خود آرا جانے ہے
عاشق سا تو سادہ کوئی اور نہ ہوگا دنیا میں
جی کے زیاں کو عشق میں اس کے اپنا وارا جانے ہے
چارہ گری بیماری دل کی رسم شہر حسن نہیں
ورنہ دلبر ناداں بھی اس درد کا چارہ جانے ہے
کیا ہی شکار فریبی پر مغرور ہے وہ صیاد بچہ
طائر اڑتے ہوا میں سارے اپنے اساریٰ جانے ہے
مہر و وفا و لطف و عنایت ایک سے واقف ان میں نہیں
اور تو سب کچھ طنز و کنایہ رمز و اشارہ جانے ہے
کیا کیا فتنے سر پر اس کے لاتا ہے معشوق اپنا
جس بے دل بے تاب و تواں کو عشق کا مارا جانے ہے
رخنوں سے دیوار چمن کے منہ کو لے ہے چھپا یعنی
ان سوراخوں کے ٹک رہنے کو سو کا نظارہ جانے ہے
تشنۂ خوں ہے اپنا کتنا میرؔ بھی ناداں تلخی کش
دم دار آب تیغ کو اس کے آب گوارا جانے ہے
Patta patta boota boota haal hamara jaane hai
Patta patta boota boota haal hamara jaane hai
Jaane na jaane gul hi na jaane bagh to sara jaane hai
Lagne na de bas ho to us ke gauhar-e-gosh ko baale tak
Us ko falak chashm-e-mah-o-khur ki putli ka tara jaane hai
Aage us mutakabbir ke ham Khuda Khuda kya karte hain
Kab maujood Khuda ko woh maghroor khud-ara jaane hai
Ashiq sa to sada koi aur na hoga duniya mein
Ji ke ziyan ko ishq mein us ke apna wara jaane hai
Chara-gari bimari-e-dil ki rasm-e-shahr-e-husn nahin
Warna dilbar-e-nadan bhi is dard ka chara jaane hai
Kya hi shikar-farebi par maghroor hai woh sayyad-bacha
Tair udte hawa mein sare apne aseeran jaane hai
Mehr o wafa o lutf o inayat ek se waqif un mein nahin
Aur to sab kuchh tanz o kinaya ramz o ishara jaane hai
Kya kya fitne sar par us ke lata hai ma'shuq apna
Jis be-dil be-taab-o-tavan ko ishq ka mara jaane hai
Rakhnon se deewar-e-chaman ke munh ko le hai chhupa ya'ni
In surakhon ke tuk rahne ko sau ka nazara jaane hai
Tishna-khoon hai apna kitna Meer bhi nadan talkhi-kash
Damdar aab-e-tegh ko us ke aab-e-gawara jaane hai
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں