راہ دور عشق میں روتا ہے کیا — میر تقی میر
شاعر
راہ دور عشق میں روتا ہے کیا
راہ دور عشق میں روتا ہے کیا
آگے آگے دیکھیے ہوتا ہے کیا
قافلے میں صبح کے اک شور ہے
یعنی غافل ہم چلے سوتا ہے کیا
سبز ہوتی ہی نہیں یہ سرزمیں
تخم خواہش دل میں تو بوتا ہے کیا
یہ نشان عشق ہیں جاتے نہیں
داغ چھاتی کے عبث دھوتا ہے کیا
غیرت یوسف ہے یہ وقت عزیز
میرؔ اس کو رائیگاں کھوتا ہے کیا
Rah-e-door-e-ishq mein rota hai kya
Rah-e-door-e-ishq mein rota hai kya
Aage aage dekhiye hota hai kya
Qafle mein subah ke ek shor hai
Ya'ni ghafil ham chale sota hai kya
Sabz hoti hi nahin yeh sar-zameen
Tukhm-e-khwahish dil mein tu bota hai kya
Yeh nishan-e-ishq hain jaate nahin
Dagh chhati ke abas dhota hai kya
Ghairat-e-Yusuf hai yeh waqt-e-azeez
Meer is ko rayegan khota hai kya
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں