شعر کے پردے میں میں نے غم سنایا ہے بہت — میر تقی میر
شاعر
شعر کے پردے میں میں نے غم سنایا ہے بہت
شعر کے پردے میں میں نے غم سنایا ہے بہت
مرثیے نے دل کے میرے بھی رلایا ہے بہت
بے سبب آتا نہیں اب دم بہ دم عاشق کو غش
درد کھینچا ہے نہایت رنج اٹھایا ہے بہت
وادی و کہسار میں روتا ہوں ڈاڑھیں مار مار
دلبران شہر نے مجھ کو ستایا ہے بہت
وا نہیں ہوتا کسو سے دل گرفتہ عشق کا
ظاہراً غمگیں اسے رہنا خوش آیا ہے بہت
میرؔ گم گشتہ کا ملنا اتفاقی امر ہے
جب کبھو پایا ہے خواہش مند پایا ہے بہت
She'r ke parde mein main ne gham sunaya hai bahut
She'r ke parde mein main ne gham sunaya hai bahut
Marsiye ne dil ke mere bhi rulaya hai bahut
Be-sabab aata nahin ab dam-ba-dam ashiq ko ghash
Dard khencha hai nihayat ranj uthaya hai bahut
Wadi o kohsar mein rota hoon daadhen mar mar
Dilbaran-e-shahar ne mujh ko sataya hai bahut
Wa nahin hota kiso se dil-girifta ishq ka
Zahiran ghamgeen use rehna khush aaya hai bahut
Meer gum-gashta ka milna ittifaqi amr hai
Jab kabhu paya hai khwahishmand paya hai bahut
شاعر کے بارے میں
اردو شاعری کے عظیم شاعر میر محمد تقی میرؔ 1723 میں آگرہ میں پیدا ہوئے اور والد میر متقی کی علمی و صوفیانہ تربیت میں پرورش پائی۔ بچپن ہی میں والد ک...
مکمل تعارف پڑھیں